گه‌ڕان

Shadow Shadow
سیاسه‌تی

’’رێڕەوى دەستكرد’’

’’سێ هۆکار’’..زانیارى لەسەر ئەنجامى لێکۆڵینەوە لە لافاوەکەى هەولێر

2021.12.19 - 22:19
App store icon Play store icon Play store icon
’’سێ هۆکار’’..زانیارى لەسەر ئەنجامى لێکۆڵینەوە لە لافاوەکەى هەولێر

ناس کورد-

 

سەرۆکى لیژنەى لێکۆڵینەوە لەلافاوەکەى هەولێر چەند هۆکارێکى روودانى لافاوى دیاریکرد، لەناویاندا شەقامى 150 مەترى و بەشێک لە پڕۆژەکانى نیشتەجێ بوون کە بوونەتە هۆکارى گۆڕانى ڕێڕەوى ئاو بەشێوەیەک بگەڕێتەوە بۆ ناو گەڕەکەکان.

کەناڵی ناس کورد لە تێلیگرام جۆین بکە   

 

هێمن قادر جێگرى پارێزگار کە هاوکات سەرۆکى لیژنەى لێکۆڵینەوەیە لە لافاوەکەى هەولێر (یەکشەممە 19ى کانونی یەکەمی 2021) لە بەرنامەیەکى تەلەفزیۆنیدا لەکەناڵى "رووداو" وتى "سەرجەم شوێنەکانمان بینیوە و لەماوەیەکى پێوانەیی هۆکار و کەمتەرخەمییەکان دیارى دەکەین، کێشەیەک هەیە لەسەر رێڕەوى ئاوەکان کە بۆچى لەسەر رێڕەوى سروشتى ناڕوات و ئەو رێژە بارانە دەبێتە هۆى دروستبوونى لافاو".

 

وتیشى "لەساڵى 2014 ەوە رێڕەوەکان وەکو پێویست خاوێن نەکراونەتەوە، چەند ساڵى رابردووش وشکەساڵى بووە و ئاوى پێویستیان پێدا نەهاتووە، لەوانەیە ئیهمالییەکیش هەبوبێت بەڵام ئەوە نییە کە بەئەنقەست بووبێت".

 

هێمن قادر باسى لەوەشکرد، شەقامى 150 مەترى لە هەولێر کە پڕۆژەیەکى ستراتیژییە، 10 ساڵ لەمەوبەر کە باران دەبارى ئاو لەوێدا کۆدەبوویەوە و زەوییەکە هەڵیدەمژى و لەشوێنى خۆى دەمایەوە، بەڵام ئێستا کە کۆنکرێت کراوە وەک جۆگەیەکى لێهاتووە کە ئاوەکە دەگەڕێنێتەوە ناو شار.

 

دەشڵێت "هەروەها لەساڵانى 2009 و 2010 و 2011 بەشێک لە پڕۆژەکانى نیشتەجێ بوون لەسەر رێڕەوى ئاو دروستکراون، ئەوەش وایکردووە ئاوەکە بەشێوەیەکى دەستکرد رێڕەوەکەى بگۆڕدرێت و بێتە سەر شەقامە سەرەکییەکان و دواتر بچێتە ناو گەڕەکەکان".