گه‌ڕان

Shadow Shadow
سیاسه‌تی

بۆردوومانەکانى ئێران بۆ دووەم ڕۆژى لەسەر یەک بەردەوامییان هەیە

2019.07.11 - 10:58
App store icon Play store icon Play store icon
بۆردوومانەکانى ئێران بۆ دووەم ڕۆژى لەسەر یەک بەردەوامییان هەیە

کەناڵی ناس کورد لە تێلیگرام جۆین بکە   

ناس کورد- شەهرام عەزیز هەرچەندە حکومەتی هەرێم نیگەرانی خۆی لە تۆپبارانەکانی ئێران دەربڕی، بەڵام بۆ ڕۆژی دووەمى لەسەر یەک سوپای پاسدارانی ئێران سنورەکانی باڵەکایەتییان تۆپباران کرد.

.

ئەحمەد قادر، قائیمقامی چۆمان بە ناس کوردی ڕاگەیاند، سەرلەبەیانی ئەمڕۆ سوپای پاسداران دووبارە بەچڕی سنورەکانی باڵەکایەتی بۆردوومانکرد، بەڵام ئێستا تۆپبارانەکە ڕاگیراوە. . تۆپبارانەکە سنوری گوندەکانی وێزێ، بەردەسۆران، ئاڵانە و خەلانەی گرتووەتەوە، کە سەر بە شارۆچکەی چۆمانی دەڤەری باڵەکایەتین لە سنووری پارێزگای هەولێر و هیچ زیانێکی گیانی نەبووە، تائێستاش نازاندرێت زیانە ماددیەکان چەندن؟. . لە بۆردوومانەکانى دوێنێى سوپای پاسدارن بۆ سنورەکانی برادۆست و باڵەکایەتی، کچێکى تەمەن 18 ساڵ شەهیدبوو و دوو براشی برینداربوون کە یەکێکیان قاچێکى لەدەستداوە. . تۆپبارانەکەی ئەمڕۆی سوپای پاسداران لەکاتێکدایە، دوێنێ حکومەتی هەرێم نیگەرانی بەرامبەر تۆپبارانەکانی ئێران و چالاکیی هێزە ئۆپۆزسیۆنەکانی ئێران دەربڕی. . .