گه‌ڕان

Shadow Shadow
سیاسه‌تی

’’بەدوو قۆناغ لافاو دروست دەبێت’’

نەخشەی لافاوە چاوەڕوانكراوەكانی بارانەكەی سبەی 

2021.12.16 - 09:53
App store icon Play store icon Play store icon
نەخشەی لافاوە چاوەڕوانكراوەكانی بارانەكەی سبەی 

ناس كورد-

سەرچاوە كەشناسییەكان ئاشكرای دەكەن لە ئەنجامی قوڵبوونەوەی زیاتری کاریگەری نزمەپاڵەپەستۆی شێداری هەردوو دەریای ناوەڕاست و سوور لەسەر ناوچەکە سبەی ئاسمانی تەواوی ناوچەکانی ھەرێم بە درێژای کاتەکان ھەوری باراناوی دەبێت و لە دوو قۆناغدا ئەگەری لافاو و بەرزبوونەوەی ئاستی ئاو هەیە. 

 

کەناڵی ناس کورد لە تێلیگرام جۆین بکە   

 

شارەزای كەشناسی ئاراس جەبار لە پەیجی "كەش و هەوای هەرێمی كوردستان" لە بڵاوكراوەیەكدا كە وێنەی لای "ناس كورد" هەیە (16ی كانونی یەكەمی 2021) ڕوونیدەكاتەوە: سبەی هەینی لە زۆربەی ناوچەکانی سنوری پارێزگای ھەولێر ، کەرکوک ، دەڤەری راپەرین لە کاتەکانی بەرەبەیاندا بۆ ئێوارە ئاستی بارانەکە بەخوڕ و بەردەوام دەبێت، بەڵام لەناوچەکانی سنوری پارێزگای سلێمانی،  ھەڵەبجە ، سنوری گەرمیان لە کاتەکانی ئێوارە بۆ شەودا کاریگەری شەپۆلەکە قوڵدەبێتەوە بۆ بارانی بەخوڕ و بەردەوام لەگەڵ ڕوودانی ھەورە بروسكە، لە سنوری پارێزگای دھۆکیش بەشێوەی بارانی مامناوەندی بەردەوام بۆ پچر پچر کاریگەری دەبێت. 

 

سەبارەت بە پێشبینییەكانی بەفر سەرچاوە كەشناسییەكان باس لەوە دەكەن تەنھا لەو ناوچە شاخاویانەدا بەفر دەبارێت بەشێوەیەکی چڕ بەتایبەت ئەوانەی کە بەرزیان زیاترە لە دوو هەزار مەتر. 

 

بەگوێرەی بڵاوكراوەكە نەخشەی لافاو و بەرزبوونەوەی ئاستی ئاو بەم جۆرە دەبێت: 

 

1_ لە کاتەکانی بەرەبەیان بۆ نزیک ئێوارەی سبەی لەئەنجامی بارانی بەخوڕ و بەردەوام ئەگەری بەرزبوونەوەی ئاستی ئاو هەیە لە بەشێکی زۆری ناوچەکانی دەڤەری راپەرین و ناوچەکانی رۆژھەڵات و باکوری پارێزگای ھەولێر وە بە سەنتەری شارەکەوە.

 

2_ لە کاتەکانی ئێوارەی سبەی بۆ بەرەبەیانی رۆژی شەمە (١٨-١٢-٢٠٢١) لە ئەنجامی بەخوڕی بارانبارین و بەردەوامی بارانەکە ئەگەری بەرزبوونەوەی ئاستی ئاو هەیە لە بەشێکی ناوچەکانی سنوری پارێزگای سلێمانی و ھەڵەبجە و سنوری ئیدارەی گەرمیان.