گه‌ڕان

Shadow Shadow
سیاسه‌تی

بەرپرسێکی پارتی کاندیدێکی یەکێتی بۆ پۆستی سەرۆککۆمار ئاشکرا کرد کە ’’چانسی زیاترە’’

2021.12.13 - 20:38
App store icon Play store icon Play store icon
بەرپرسێکی پارتی کاندیدێکی یەکێتی بۆ پۆستی سەرۆککۆمار ئاشکرا کرد کە ’’چانسی زیاترە’’

ناس کورد-

بەنگین ڕێکانی، بەرپرس لە پارتی دیموکراتی کوردستان و وەزیری پێشووی ئاوەدانکردنەوە و نیشتەجێکردنی عێراق کاندیدکردنی عەدنان موفتی، ئەندامی ئەنجومەنی باڵای سیاسی و بەرژەوەندی یەکێتی نیشتمانی کوردستان بۆ پۆستی سەرۆککۆماری داهاتوو عێراق بەدورنەزانی.

کەناڵی ناس کورد لە تێلیگرام جۆین بکە   

 

بەنگین ڕێکانی لە میانی بەرنامەیەکی تەلەفزیۆنیدا کە "ناس کورد" بینیویەتی (13ی کانونی یەکەمی 2021) دەڵێت، "زۆربەی سەرکردە دێرینەکانی یەکێتی نزیک لە مەزاجی سەرۆک بارزانی چونکە تێگەیشتنی باشیان هەیە بۆ قۆناغەکە، هەروەها لە قورسایی بارزانیش تێدەگەن لە عێراق و لەسەر ئاستی دۆسیەی کوردی، نایشارمەوە کە لێکتێگەیشتنەکانی نێوان یەکێتی و پارتی دەبێتەهۆی هەڵبژاردنی کەسێکی نوێ بۆ پۆستی سەرۆککۆمار، پێویستە ئەوە کەسەش قبوڵکراو بێت لەلایەن پارتی و سەرۆک بارزانییەوە، چونکە پۆستەکە نوێنەرایەتی هەموو کورد دەکات."

 

لەبارەى بەختی عەدنان موفتی لە کێبرکێکەدا، بەنگین ڕێکانی وتی، "بەڕێز عەدنان موفتی لەناو ئەو دوو بۆ سێ کەسایەتییەی یەکێتی کە باسیان لێوەدەکرێت بۆ وەرگرتنی پۆستەکە لە هەموویان دیارترە، بەپێی زانیارییەکانی منیش، سەرۆکێکی نوێ هەڵدەبژێردرێت بە لێکتێگەیشتنی هەردوو حزب."

 

باسی لەوەشکرد کە "تاوەکو ئێستا پارتی دەستی لە پۆستی سەرۆکایەتی کۆمار هەڵنەگرتووە، بەڵام لە سیاسەتدا هەموو شتێک هەیە."