گه‌ڕان

Shadow Shadow
سیاسه‌تی

یەکەم فیشەک

ڤیدیۆ؛ بریندارێکى رووداوى کوژرانى نەقیب محەمەد وردەکاریی ئاشکرادەکات

2021.12.13 - 04:12
App store icon Play store icon Play store icon

ناس کورد-

 

یەکێک لە پۆلیسە بریندارەکانى رووداوى کوژرانى نەقیب محەمەد ئەفسەرى پۆلیسى بەرەنگاربوونەوەى توندوتیژى دژى ژنان لەسلێمانى رایگەیاند، یەکەم فیشەک بەر ئەو کەوتووە و تا ئێستاش دوو فیشەک لە جەستەیدا ماوەتەوە.

کەناڵی ناس کورد لە تێلیگرام جۆین بکە   

 

ئاکام هیدایەت پۆلیسى بەرەنگاربوونەوەى توندوتیژى دژى ژنان لەسلێمانى (دووشەمە 13ی کانونی یەکەمی 2021) بە "ناس کورد" ى راگەیاند، ئەوان چوون بۆ دەستگیرکردنى داواکراوێک کە بەپێی ماددەى حەوتى خێزانى و بەتۆمەتى توندوتیژى خێزانى فەرمانى دەستگیرکردنى هەبووە، لەکاتى جێبەجێکردنى بڕیارەکەدا روبەڕوویان بووەتەوە.

 

وتیشى "کە چوینە ئەوێ، ئێمە لەناو ئۆتۆمبێلکدا بووین و یەکەم فیشەک بەر من کەوت و ئاگام لەخۆم نەما".

 

ئاکام لەو رووداوەدا چوار فیشەکى بەرکەوتووە، فیشەکێک لەدەستی داوە و دوو فیشەک بە شانیەوەیەتى و هێشتا دەرنەهێنراون،  یەکێکیش بە سەریەوەیەتى کە مەترسی لەسەر ژیانى دروستکردبوو.

 

ئاکام وتى "هەشت کاتژمێر لەژێر نەشتەرگەریدا بووم تا رزگارم بوو".

 

لەبارەى دەنگۆى هەڵهاتنى تۆمەتبارەکان بۆ دەرەوەى هەرێم، ئاکام وتى "بیستومانە کە تۆمەتبارەکان چونەتە دەرەوە بەڵام دڵنیا نین لەوە".

شەوی شەممە (4ی کانونی یەکەمی 2021) لە شاری سلێمانی داواکراوێک ڕووبەڕووی پۆلیسى بەڕێوەبەرایەتی بەرەنگاربوونەوەى توندوتیژی دژی ژنان بووە و لە ئەنجامدا ئەفسەرێک کوژرا و سێ پۆلیسی دیکەش برینداربوون.      

  

بەڕێوەبەرایەتی ئاسایشی پارێزگای سلێمانی لە ڕاگەیەنراوێکدا (7ی کانونی یەکەمی 2021) وێنە و ناوى تۆمەتبارانى رووداوەکەى بڵاوکردەوە کەبەوتەى ئاسایش لەدواى رووداوەکەوە هەڵهاتوون.  

  

دوو تۆمەتبارەکە پێکهاتوون لە (یوسف پشتیوان علی ) و (پشتیوان علی مستەفا) کە لەلایەن دادگاوە داواکراون بەپێی ماددەی (406) لەیاسای سزادان.  

  

me_ga.php?id=4807