گه‌ڕان

Shadow Shadow
سیاسه‌تی

بەپەلە

ئاسایشی سلێمانی وردەکاریی دەستگیرکردنی گروپەکەی داعشی لە هەڵەبجە بڵاوکردەوە

2021.12.09 - 18:10
App store icon Play store icon Play store icon
ئاسایشی سلێمانی وردەکاریی دەستگیرکردنی گروپەکەی داعشی لە هەڵەبجە بڵاوکردەوە

ناس کورد- 

بەڕێوەبەرایەتی ئاسایشی پارێزگای سلێمانی لە ڕاگەیەنراوێکدا ڕایگەیاند، گروپێکی سەر بە ڕێکخراوی تیرۆریستیی داعش لە پارێزگای هەڵەبجە دەستگیرکران کە مەرامیان بوو لە سنوری پارێزگای سلێمانی و هەڵەبجە و ئیدارەی گەرمیان کردەوەی تیرۆریستی ئەنجام بدەن و ئاسایشی  ھەرێم تێکبدەن، دەشڵێت، دەست بەسەر ژمارەیەک لە چەک و تەقەمەنیشدا گیرا کە پیلانیان دانابوو تا لە کردەوە تیرۆریستییەکانیاندا بەکاری بهێنن.

کەناڵی ناس کورد لە تێلیگرام جۆین بکە   

 

دەقی ڕاگەیەنراوەکەی ئاسایشی سلێمانی: 



لەئەنجامی چاودێری و کۆکردنەوەی زانیاری وورد لەسەر گروپێکی سەر بە ڕێکخراوی تیرۆریستی داعش لە پارێزگای هەڵەبجە ، پاش دەست خستنی بەڵگەی تەواو لەسەریان کە مەرامیان بوو لە سنوری پارێزگای سلێمانی و هەڵەبجە و ئیدارەی گەرمیان کردەوەی تیرۆریستی ئەنجام بدەن و ئاسایشی  ھەرێم تێکبدەن .

 

پاش وەرگرتنی بڕیاری  بەڕێز دادوەری لێکۆڵینەوەی ئاسایشی پارێزگای سلێمانی وە لە ژێر چاودێری و ڕێنمایی سەرۆکی دەزگای ئاسایشی هەرێم ، بەڕێوبەرایەتی ئاسایشی پارێزگای سلێمانی / هێزەکانی ئۆپەراسیۆنی ئاسایشی سلێمانی ، بەهاوکاری هێزەکانی بەڕێوبەرایەتی ئاسایشی شارەزوور ،  لەھەڵمەتێکی بەرفراوان و چەند ئۆپەراسیۆنێکی جیاجیای سەرکەوتوودا رۆژی چوارشەمە ٨ ی ١٢ ی ٢٠٢١   ژمارەیەک لە ئەندامانی تاقم و گروپی نەنستووی تیرۆریستانی داعش  لە شاری هەڵەبجە  ، قەزای سەیدسادق و شارۆچکەکانی خورماڵ ، سیروان و چەند گوندێکی شارەزوور دەستگیرکران و دەست بەسەر ژمارەیەک لە چەک و تەقەمەنیشدا گیرا  کە  پیلانیان  دانابوو تا لە کردەوە تیرۆریستییەکانیاندا بەکاری بهێنن .

 

لێرەوە بۆ کۆمەڵانی خەڵکی کوردستانی رووندەکەینەوە لەبەر سەلامەتی لێکۆڵینەوەکان و پاراستنی دۆسیەکە زانیارییەکانی پەیوەست بەم پیلانەی تیرۆریستان دەھێڵینەوە و لە داھاتوویەکی نزیکدا بە بەڵگەو دۆکۆمێنتی دروست زانیاری زیاتر لەبارەی شکستپێھێنانی تێکدانی ئارامی ھەرێم لەلایەن تیرۆریستانەوە بۆ رایگشتی بڵاودەکەینەوە .

 

لەگەڵ رێزماندا 

بەڕێوبەرایەتی ئاسایشی پارێزگای سلێمانی 

 

زیاتر بخوێنەرەوە: لەبارەی دەستگیرکردنی چەند کەسێک لە مزگەوتەکانی هەڵەبجە ڕوونکردنەوە دەدرێت