گه‌ڕان

Shadow Shadow
سیاسه‌تی

چەند وادەیەك بۆ گۆڕینیان دانراوە

هۆشداری: فڵچەی دان و خاولی بەكارهێنەران تووشی نەخۆشی دەكەنەوە

2021.12.09 - 08:44
App store icon Play store icon Play store icon
هۆشداری: فڵچەی دان و خاولی بەكارهێنەران تووشی نەخۆشی دەكەنەوە

ناس كورد_

پزیشكەكان هۆشداری دەدەن لە ئەگەری توشبوونەوە بە پەتا وەرزییەكان پاش تێپەڕاندنیان بەهۆی بەكارهێنانەوەی فڵچەی دان و خاولی حەمام و بەرگەنوێن و بەرگە پشتی كۆنەوە. 

کەناڵی ناس کورد لە تێلیگرام جۆین بکە   

 

بەگوێرەی راپۆرتێكی پزیشكی ماڵەپەڕی "ئۆن لاین" ی ئەڵمانی كە "ناس كورد" خوێندنەوەی بۆ كردووە (8ی كانونی یەكەمی 2021)، لەپاش گرنگی شۆردنی دەستەكان ناوبەناو، گۆڕینی فڵچەی دان و پاك ڕاگرتنی خاولی حەمام و گۆڕینی دێت بۆ خۆپاراستن لە نەخۆشی. 

 

لەراپۆرتەكەدا پزیشكەكان ئامۆژگاری خەڵك دەكەن پاش هەڵامەت و پەتا فڵچەی دان شتن بگۆڕن چونكە میكرۆبی لەسەر كەڵەكە دەبێت و باس لەوە دەكەن دەبێت پاك رابگیرێت و لە شوێنی گونجاودابێت.

 

هەروەها باس لەوە دەكەن پێویستە لەپاش بەكارهێنانی خاولی بەخێرایی هەڵبواسرێت بۆ ئەوەی وشك ببێتەوە یان بگۆڕدرێت بۆ رێگەگرتن لە گەشەكردنی زیندەوەرەكان لەسەری. 

 

بەقسەی پزیشكەكان دەبێت خاولی لەپلەی گەرمی 60 پاك بكرێتەوە لەگەڵ بەكارهێنانی مادەیەكی بەهێزی پاككەرەوە. 

 

پزیشكەكان ئەوەش دەخەنەڕوو ئەگەر كەسێك عەرەقی زۆركردەوە ئەوە پێویستە هەفتانە بەرگەپشتی و بەرگە نوێن پاك بكاتەوە بۆ رێگەگرتن لە گەشەی بەكتریاكان، بۆ گۆڕینی نوێنەكانیش چەند ساڵ جارێك پێویستن چونكە دەبنە مۆڵگەی بەكتریا.