گه‌ڕان

Shadow Shadow
سیاسه‌تی

زانیاریی زیاتر

ئاسایشی سلێمانی ناو و وێنەی دوو تۆمەتباری کوژرانی نەقیب محەمەدی بڵاوکردەوە

2021.12.07 - 14:56
App store icon Play store icon Play store icon
ئاسایشی سلێمانی ناو و وێنەی دوو تۆمەتباری کوژرانی نەقیب محەمەدی بڵاوکردەوە

ناس کورد-

ئاسایشی سلێمانی ناو و وێنەی دوو تۆمەتباری سەرەکی ڕووداوی کوشتنی محەمەد لەتیف، ئەو نەقیبەی بەڕێوەبەرایەتی بەرەنگاربوونەوەی توندوتیژی دژی ژنان کە لە سلێمانی تەقەی لێکرا و بەهۆیەوە کوژرا، بڵاوکردەوە و داوای هاوکاری لە خەڵک دەکات.

کەناڵی ناس کورد لە تێلیگرام جۆین بکە   

 

بەڕێوەبەرایەتی ئاسایشی پارێزگای سلێمانی لە ڕاگەیەنراوێکدا (7ی کانونی یەکەمی 2021) دەڵێت، "هاوڵاتیان وهاونیشتمانیانی بەڕێز داواکارین هاوکارمان بن لەپێدانی هەرزانیاریەک لەسەر هەردوو تۆمەتباری هەڵهاتوو (یوسف پشتیوان علی ) و (پشتیوان علی مستەفا) و ئوتومبیلی جۆری پیکاب نیسان تاک ژمارە ‌‌( 3638 - سلێمانی) هەردوو تۆمەتباران لەلایەن دادگاوە داواکراون بەپێی ماددەی (406) لەیاسای سزادان و تۆمەتبارن بەشەهیدکردنی ئەفسەرێکی بەڕێوەبەرایەتی پۆلیسی توندوتیژی دژی ژنان و بریندارکردنی سێ کارمەندی تری هەمان بەڕێوەبەرایەتی."

 

دەشڵێت، "دڵنیاتان دەکەینەوە ناوتان پارێزراو دەبێت و دەبنە جێگەی شانازی و دەست خۆشی و پاداشت لەلایەن بەرێوەبەرایەتی ئاسایشی پارێزگای سلێمانییەوە".


لەکاتی بوونی هەر زانیاریەک تکایە پەیوەندی بکەن بەم ژمارانەی لای خوارەوە:
⁃(106)
⁃(3231457)
⁃پەیوەندی لەدەرەوەی وڵات (009647700850606)

شەوی شەممە (4ی کانونی یەکەمی 2021) لە شاری سلێمانی داواکراوێک ڕووبەڕووی بەڕێوەبەرایەتی توندوتیژی دژی ژنان بووە و لە ئەنجامدا ئەفسەرێک کوژرا و سێ پۆلیسی دیکەش برینداربوون، بەڕێوەبەری توندوتیژی دژی ژنان لە سلێمانیش دەڵێت، داواکراوەکە هەڵهاتووە و تا ئێستا دەستگیرنەکراوە.  

  

بۆ بەیانییەکەی، بەڕێوەبەرایەتی بەڕێوەبەرایەتی بەرەنگاربوونەوەی توندوتیژی دژی ژنان وردەکاریی ڕووداوەکەی ئاشكرا کرد و وتی، تاوەکو ئێستا هیچ یەک لە تۆمەتباران دەستگیرنەکراون، دەشڵێت، ژنەکە لە ئێستادا ژنە سکاڵاکارەکە لە شوێنێکی پارێزراوە.  

  me_ga.php?id=4807

سەرکەوت عومەر، بەڕێوەبەری بەڕێوەبەرایەتی بەرەنگاربوونەوەی توندوتیژی دژی ژنان لە کۆنفرانسێکی ڕۆژنامەوانیدا (یەکشەممە 5ی کانونی یەکەمی 2021) ڕایگەیاند، "دوای ئەوەی ماوەیەک پێش ئێستا ژنێک سکاڵای لەسەر هاوسەرەکەی تۆمارکردبوو کە ئازاری دەدات، بەڵام ئێمە وەک بەڕێوەبەرایەتییەکەمان زۆرجار خۆمان درەنگ دەخەین بۆ ئەوەی دەرفەتێک هەبێت کە ئەو دوو هاوسەرە کێشەکەیان چارەسەر بکەن، بەڵام شەوی ڕابردوو ئافرەتەکە پەیوەندی کردووەتەوە و داوای کردووە بچن بە هانایەوە."  

  

وتیشی، "دوای ئەوەی مەفرەزەکەمان گەیشتووەتە لای ماڵەکە، چەند کەسێک لە ماڵەکەدا بوون، پێش ئەوەی لە ئۆتۆمبێلەکە دابەزن یەکێک لەو کەسانەی ماڵەکە تەقەی کردووە و لە ئەنجامدا نەقیب محەمەد شەهید بووە و چەند پۆلیسێکی دیکەش برینداربوون."  

  

ئاماژەی بەوەشکرد، "تاوەکو ئێستا تەقەکەرەکە و هیچ یەکێک لە تۆمەباران دەستگیرنەکراون، ئەو کەسەشی کە تەقەی کردووە ئەو کەسە نەبووە کە فەرمانی گرتنی هەبووە، واتە هاوسەری ژنەکە نەبووە، ژنەکەش لە شوێنێکی پارێزراوە."  

  

لەبارەی دۆخی بریندارەکانەوە، باسی لەوەکرد، "دوو لە بریندارەکان برینەکانیان سەختە، ئۆتۆمبێلەکەش بەهۆی ئەوەی گولـلە بەر تانکی بەنزینەکەی کەوتووە ئاگری گرتووە."