گه‌ڕان

Shadow Shadow
سیاسه‌تی

زانكۆی سلێمانی لەبارەى سزادانی خوێندکاران و دەوامکردن پەیامێکی بڵاوکردەوە

2021.12.06 - 18:56
App store icon Play store icon Play store icon
زانكۆی سلێمانی لەبارەى سزادانی خوێندکاران و دەوامکردن پەیامێکی بڵاوکردەوە

ناس کورد-

ئەنجومەنی زانكۆی سلێمانی جەخت دەکاتەوە "ڕێگە نەدراوە هیچ خوێندكارێكی زانكۆكەمان سزا بدرێت لەبەرامبەر داواكردنی مافە ڕەواكانی بەڵام پێویستە سەرجەم كۆلێژ و بەش و مامۆستایانی زانكۆكەمان پابەندبن بە وانەوتنەوە وتاقیكردنەوەكان لەكاتی دیاریكراو".

کەناڵی ناس کورد لە تێلیگرام جۆین بکە   

 

ئەنجومەنەکە لە ڕوونکردنەوەیەکدا (6ی کانونی یەکەمی 2021) دەڵێت، "ئاشكرایە كە خوێندكارانی زانكۆ سلێمانی وەك بەشێك لە خوێندكارانی زانكۆكانی هەرێمی كوردستان لە ڕۆژانی ڕابردوودا بەمەبەستی دابینكردنی دەرماڵەی خوێندكاران چەندین خۆپیشاندانیان ئەنجامدا بەجۆرێك كە پەیامەكەیان گەیشتە هەموو لایەنە پەیوەندیدارەكان".

 

دەشڵێت، "ئەنجومەنی زانكۆی سلێمانیش وێڕای پشتگیری داوا ڕەواكانیان بەڵێنیداوە كە نوێنەری ڕاستەقینەیان بێت بۆ داواكردن وبەدواداچوونی سەرجەم مافە ڕەواكانیان وتەنانەت ڕێگەشنەدرا لە ڕۆژانی ڕابردوو هیچ خوێندكارێكی زانكۆكەمان سزا بدرێت لەبەرامبەر داواكردنی مافە ڕەواكانی، لەهەمان كاتدا ئەنجومەنی زانكۆی سلێمانی لە چوارچێوەی كۆبونەوەی ئەمڕۆ دووشەممە هەموو لایەك ئاگادار دەكاتەوە لەگەڵ ئەوەی بۆ دابینكردنی پێداویستیە سەرەكیەكانی كۆلێج وبەشەناوخۆییەكان هەنگاوەكان بەردەوامن بەڵام پێویستە سەرجەم كۆلێج وبەش ومامۆستایانی زانكۆكەمان پابەندبن بە وانەوتنەوە وتاقیكردنەوەكان لەكاتی دیاریكراو بەپێی خشتەی وانە وتاقیكردنەوەی كۆلێجەكان و ڕۆژمێری ساڵی خوێندنی (2021 - 2022)".

 

"داواكارین لە خوێندكارانی ئازیزی زانكۆكەمان پابەندبوونی تەواویان هەبێت لە پێناو دوانەكەوتنی ساڵی خوێندن و زەرەرمەند نەبوونی خوێندكاران وزانكۆكەمان وئاسایی بوونەوەی پڕۆسەی خوێندن بەشێوەیەكی سەركەوتووانە."