گه‌ڕان

Shadow Shadow
سیاسه‌تی

’’تەکتیکی جەنگی بگۆڕێت’’

بارزانى: پێویستە پێشمەرگە لەدۆخى بەرگرییەوە بچێتە هێرشبردن

2021.12.06 - 15:04
App store icon Play store icon Play store icon
بارزانى: پێویستە پێشمەرگە لەدۆخى بەرگرییەوە بچێتە هێرشبردن

ناس کورد-

مەسعود بارزانى رایگەیاند، پێویستە ھێزی پێشمەرگە ئامادەکاری زیاتر بکات و تەکتیکی جەنگی بگۆڕێت و لە دۆخی بەرگریکردنەوە بکرێتە ھێرشبردن بۆ سزادان و لەناوبردنی داعش.

کەناڵی ناس کورد لە تێلیگرام جۆین بکە   

 

بارزانى لەپەیامێکدا (دووشەممە 6ی کانونی یەکەمی 2021) کە دەست "ناس کورد" کەوتووە ئاماژەى بەوەکردووە "پێویستە تۆڵەی خوێنی شەھیدەکانمان لە تیرۆرستان بکرێتەوە".



دەقى پەیامەکە:

 

پەیامێک لە بارزانییەوە

بەناوی خودای بەخشندە و میھرەبان

 

بەداخێکی زۆرەوە شەوی رابردوو لە ئەنجامی پەلاماری تیرۆرستانی داعش بۆسەر سەنگەرەکانی پێشمەرگە لە قەرەسالم لە سنوری ناوچەی پردێ ، ژمارەیەک پێشمەرگە شەھید و برینداربوون، پرسە سەرەخۆشی خۆم ئاراستەی خانەوادەو کەسوکاری شەھیدانی ئەو پەلامارە تیرۆرستیە دەکەم و خۆم بە ھاوبەشی خەمیان دەزانم، لە خودای گەورە داواکارم رۆحی شەھیدەکان بە بەھەشتی بەرین شادبکات و سەبرو ئارامی بە کەسوکاریان بدات، ھیوای چاکبوونەوەش بۆ برینداران دەخوازم.

 

جەختیش لەوە دەکەمەوە کە پێویستە تۆڵەی خوێنی شەھیدەکانمان لە تیرۆرستان بکرێتەوە. بەھۆی زۆربوونی جموجوڵ و پەلامارەکانی تیرۆریستان لەم دواییانە پێویستە ھێزی پێشمەرگەی کوردستان ئامادەکاری زیاتر بکات و تەکتیکی جەنگی بگۆڕێت و لە دۆخی بەرگریکردنەوە بکرێتە ھێرشبردن بۆ سزادان و لەناوبردنی تیرۆرستانی داعش .

 

ھەزاران سڵاو لە گیانی پاکی شەھیدانی شەڕی داعش و ھەموو شەھیدانی رێگەی ئازادی کوردستان

 

مسعود بارزانی

 

٦ـی کانوونی یەکەمی ٢٠٢١