گه‌ڕان

Shadow Shadow
سیاسه‌تی

ئایا ئاڵا تاڵەبانی چووەتە ناو حەشد؟ وەڵام دەداتەوە

2021.12.06 - 13:07
App store icon Play store icon Play store icon
ئایا ئاڵا تاڵەبانی چووەتە ناو حەشد؟ وەڵام دەداتەوە

ناس کورد-

 

ئاڵا تاڵەبانى پەیوەندیکردنى بە هاوپەیمانى فەتحى حەشدى شەعبی رەتدەکاتەوە، ئەوەش دواى بڵاوبوونەوەى وێنەکەى لەگەڵ بەرپرسانى هاوپەیمانێتییەکە لە دانیشتنى دادگاى فیدراڵى تایبەت بە تانەى هەڵوەشاندنەوەى ئەنجامى هەڵبژاردن.

کەناڵی ناس کورد لە تێلیگرام جۆین بکە   

 

ئاڵا تاڵەبانى لەرونکردنەوەیەکدا کە دەست "ناس کورد" کەوتووە ئاماژەى بەوەکردووە "نە پەیوەندیم بە هاوپەیمانی فەتحەوەکردوە نە هیچ هاوپەیمانیەکیتر، ئامادەبوونم لە دادگای فیدراڵی بەمەبەستی ئاگاداربوون بووە لە دۆخی سیاسی و گۆڕانکارییەکان".



دەقى رونکردنەوەکە:

 

هەندێک لە میدیاکان هەواڵێکیان لە بارەی بەندەوە بڵاو کردۆتەوە کە سەر لەبەری ناراست و بێ بنەمایە و رەتی دەکەمەوە، لێرەوە رایدەگەیەنم کە نە پەیوەندیم بە هاوپەیمانی فەتحەوەکردوە نە هیچ هاوپەیمانیەکیتر، ئامانج و مەرامی بڵاوکردنەوەی ئەو جۆرە هەواڵانە لەو میدیایانە زۆر روونە، چونکە نە یەکەم جاریانە و نە دواجاریشیان دەبێت، بۆ دڵنیایی هەموو لایەک ئامادەبوونم لە دادگای فیدراڵی بەمەبەستی ئاگاداربوون بووە لە دۆخی سیاسی و گۆڕانکارییەکان، بۆ ئەوانەی کە وا دەزانن ژینگەی کاری سیاسی من تەنیا لە پەرلەمانە بە هەڵەداچوون، من کەسایەتیەکی سیاسیم و پەیوەندییەکی فراوان و تۆکمەم هەیە لەگەڵ زۆربەی کەسایەتی و لایەنە سیاسیەکان و دیپلۆمات و باڵیۆز و نێردەی وڵاتانی دەرەوە، پۆست منی گەورە نەکردوە، بەڵکو هێز و توانا و کارکردنی ڕابردووم سەلمێنەری ئەوراستیەن کە بەندە چیکردوە، هەر بۆیە ئەگەر لە پەرلەمانیش نەبم، وەک ژنە کوردێک و وەک یەکێتییەک، دەنگێکی ئازا و ئازاد دەبم و بەردەوام دەبم لە چالاکییە سیاسیەکانم بۆ داکۆکیکردن لە مافە ڕەواکانی گەلەکەم.