گه‌ڕان

Shadow Shadow

ڕووماڵی جەنگ

ڕووماڵی جــــەنگی لە نێو ڕاگەیاندنی کوردیدا

2021.12.06 - 09:57

شاکۆ عوسمان جەریدە

ڕاگەیاندن بە بەشێکی سەرەکی سیستەمی کۆمەڵایەتی هەر ناوچە و جوگرافیایەک دادەنرێت وە زانستێکی فراوانە لە بەرەو پیشچوون و بنیادنانی کۆمەڵگەیەکی پێشکەوتوو و هۆشیار و دروستکردنی ڕای گشتی هێنانە کایەی سەکۆیەکی ئازاد و فراوان بۆ کۆمەلگە و جاماوەر .

کەناڵی ناس کورد لە تێلیگرام جۆین بکە   

 

ڕۆماڵــی جەنگی لقێکە لە لقەکانی ڕۆماڵ کردن لە نێو ڕاگەیاندن و میدیادا  بە ڕومالێکی گەرم دادەنرێت کە جەماوەر ئاراستە دەکات و سات بە سات  هەوڵی گەیاندنی زانیاری و ناوەڕۆکی رووداوەکانی جەنگ دەدات  بە شیوەیەکی بابەتیانەو پیشەییانە لە کۆی رووداوەکانی ناوچەکە و ئەو جوگرافیایەی ڕووماڵی جەنگی تێدادەکرێت ، میدیای کوردییش لەگەڵ سەرهەڵدان و گەشەسەندنی بێبەش نەبووە لەم جۆرە ڕووماڵە ئەویش بە هۆکاری ئەوەی جوگرافیای کوردستان و ناوچەکە بەشێکن لە رووبەرووبوونەوەی تیرۆر و داگیرکەران ، کەم تا زۆر میدیای کوردی توانیوێتی ڕوماڵ سات بە سات بکات جەماوەر لە ناوەڕۆکی جەنگ هۆشیاربکاتەوە و وەرگر ڕاکێشێتە نێو بەرەکانی جەنگ 

 

لەگەڵ هەموو ئەمانەدا ، میدیای کوردی کەم و کوڕی زۆری پێوە دەبینیریت زۆرجار بە بێ فلتەرکردن و خوێندنەوەی سایکۆلۆژیای تاک و گوێنەدان بە بەها نیشتیمانی و کۆمەڵایەتیەکان میدیا بەشێک بووە لە بڵاوکردنەوەی ترساندن و تۆقاندن تا ڕادەی تێکدانی سایکۆلۆژیای هەر تاکێکی ئەم نیشتیمانە و دروستکردنی ڕیڕەوێک بۆ تێکدانی ئاسایشی کۆمەڵایەتی.

 

پیویستە هەرسێ ئامرازەکەی میدیا ( خوینرا و بیسترا و بینراو ) بتوانن هاوسەنگیەکە دروستبکەن لە نێوان جەنگ و وەرگردا ئەمەش  دەبێت لە پەیامە میدیاکاندا رەنگ بداتەوە هەروەها ڕۆژنامەوانی جەنگی (نێرەر) کە بە بەشێکی گرنگی دامەزراوە میدیایەکان دادەنرێن کەسانێک بن لە رووماڵی جەنگیدا شارەزا و پیشکەوتووبن بتوانن بە وردی و هاوسەنگیەکی زۆرەوە پەیامە میدیایەکان بگوازنەوە و بە لەبەرچاوگرتنی ئاسایشی کۆمەڵایەتی و نەشێواندنی سایکۆلۆژیای تاک و بەرپرس بن بەرامبەر ئەوەی وێنە و هەواڵەی  دەیگوازنەوە بنەماکانی هەواڵی جەنگی و کاری پیشەی خۆیان لە یاد نەکەن وەکو کادرێکی میدیای نەکەونە هەڵەوە بتوانن جەماوەر ئاراستە بکەن و بیرێکی تەندروست بنیادبنێن هەروەها  خۆشیان پارێزراو بن لە هەر رووداوێکی نەخوازرادا ئەو سنورەی بۆیان دیاریکراوە بۆ ڕووماڵ کردن تێنەپەرێندرێت و گیانبازی نەکات و دۆخێکی نەخوازراو دروست نەکات و بابەتیانە هەواڵ و زانیاریەکان بگوازێتەوە .