گه‌ڕان

Shadow Shadow
سیاسه‌تی

ڤایرۆسی پێوەیە

هەولێر؛ دەست بەسەر بڕێکی زۆر ماسیی مەترسیداردا گیرا

2021.12.05 - 19:38
App store icon Play store icon Play store icon
هەولێر؛ دەست بەسەر بڕێکی زۆر ماسیی مەترسیداردا گیرا

ناس کورد- 

لە خواردنگەیەکی شاری هەولێر دەست بەسەر 700 کیلۆگرام ماسیدا گیرا کە بەوتەی قائیمقامی شارەکە، مەترسیی ڕاستەوخۆی بۆسەر تەندروستی هەیە و هاوردەکردنی قەدەغەیە.

کەناڵی ناس کورد لە تێلیگرام جۆین بکە   

 

ئەمڕۆ یەکشەممە 5ی کانونی یەکەمی 2021، قائیمقامییەتی قەزای ناوەندی هەولێر لە خواردنگەیەکی شارەکە دەستی بەسەر 700 کیلۆگرام ماسیدا گرت." 

 

لەوبارەیەوە نەبەز عەبدولحەمید، قائیمقامی هەولێر بە میدیاکانی ڕاگەیاند، "ئەو ماسییە لە خوارووی عێراقەوە هێنراوە و بە بڕیاری وەزارەتی کشتوکاڵ هاوردەکردنی قەدەغەیە، چونکە جۆرە ڤایرۆسێکی ماسی لە خواروی عێراق بڵاوبووەتەوە کە زیانی مەترسیدار و ڕاستەوخۆی بۆ تەندروستیی مرۆڤ هەیە." 

 

ئاماژەی بەوەشکرد، "بۆیە هەرکەسێک کە ماسی دە‌هێنێتە ناوەوە پێویستە بە ڕەزامەندی لایەنە پەیوەندیدارەکان بێت بەتایبەت وەزارەتی کشتوکاڵ و ڤێتەرنەری." 

 

قائیمقامی هەولێر باسی لەوەشکرد، "لێکۆڵینەوە لەوە دەکەین کە بزانین ئەو ماسییە چۆن داخڵ کراوە و خاوەنی چێشتخانەکەش ڕووبەڕووی یاسا دەکرێتەوە و ماسییەکانیش لەناو دەبرێن."