گه‌ڕان

Shadow Shadow
سیاسه‌تی

زانیاریی زیاتر

لاهور شێخ جەنگی داوایەک ئاڕاستەی دەزگا ئەمنییەکان دەکات

2021.12.03 - 22:52
App store icon Play store icon Play store icon
لاهور شێخ جەنگی داوایەک ئاڕاستەی دەزگا ئەمنییەکان دەکات

 

ناس کورد- 

لاهور شێخ جەنگی پەیامێکی لەبارەی هێرشەکانی داعشەوە بڵاوکردەوە و ڕایگەیاند، " دەزگا ئەمنییەکان ئەوەندەی خەریکی کۆکردنەوەی زانیارین لەسەر خەڵک و حزبە سیاسییەکانی ناوخۆ، پێویستە زانیاریی پێشوەختە لەسەر جموجۆڵەکانی داعش کۆبکەنەوە بۆ ئەوەی بتوانن ڕێگری لە هێرشەکانی داعش بکەن، ئەو هێز و چەک و زرێپۆشە سەربازییانەی کە لەناو شارەکان مەڵاسدراوە بۆ سەرکوتکردنی خۆپیشاندەران و ململانێی سیاسی، واباشترە بینێرن بۆ بەرەکانی جەنگ تا چیتر کوڕی هەژاری ئەم هەرێمە نەکرێنە قوربانیی هەڵە و کەمتەرخەمییەکان."

کەناڵی ناس کورد لە تێلیگرام جۆین بکە   

 

دەقی پەیامەکەی لاهور شێخ جەنگی: 

 

بەداخەوە جارێکی تر تیرۆریستان و تاریکپەرستانی داعش، بە سوودوەرگرتن لە گۆڕانکارییەکانی کەشوهەوا و هەلومەرجەکان کە بوونەتە ڕێخۆشکەر بۆ پەلامارەکانیان، بە تایبەت لە ناوچە سنورییەکان کە بۆشایی ئەمنییان تێدایە کەوتوونەتەوە خۆڕێکخستنەوە و پەلامارەکانیان بۆ سەر سەنگەرەکانی پێشمەرگە و خەڵکی مەدەنی دەستپێکردووەتەوە.

 

چەکدارانی داعش لە ماوەی کەمتر لە هەفتەیەکدا لە دوو پەلاماردا لە سنووری کوڵەجۆی گەرمیان و ناوچەی سەرگەڕان و قەرەچووخ لە سنووری مەخموور، ژمارەیەک پێشمەرگەی قارەمان و خەڵکی مەدەنییان شەهید کردووە، وێڕای ئەوەی بە تووندی سەرکۆنەی ئەو هێرش و پەلامارانەی تيرۆریستانى داعش دەکەم، پرسە و سەرەخۆشیی قووڵی خۆمان بە خانه‌واده‌ و کەسوکاری سه‌ربه‌رزى شەهیدان رادەگەیەنم و هیوای چاکبوونەوەش بۆ بریندارەکان دەخوازام.

 

هیوادارم جگە لە تووندوتۆڵکردنی سەنگەرەکان و هەمئاهەنگی زیاتری نێوان پێشمەرگە و سوپای عێراق، پلان و بەرنامەی گونجاو و خێرا هەبێت بۆ بەرەنگاربوونەوەی چەکدارانی داعش، دەزگا ئەمنییەکان ئەوەندەی خەریکی کۆکردنەوەی زانیارین لەسەر خەڵک و حزبە سیاسییەکانی ناوخۆ، پێویستە زانیاریی پێشوەختە لەسەر جموجۆڵەکانی داعش کۆبکەنەوە بۆ ئەوەی بتوانن ڕێگری لە هێرشەکانی داعش بکەن، ئەو هێز و چەک و زرێپۆشە سەربازییانەی کە لەناو شارەکان مەڵاسدراوە بۆ سەرکوتکردنی خۆپیشاندەران و ململانێی سیاسی، واباشترە بینێرن بۆ بەرەکانی جەنگ تا چیتر کوڕی هەژاری ئەم هەرێمە نەکرێنە قوربانیی هەڵە و کەمتەرخەمییەکان. پێویستە کۆتایی بەو نائارامییە سیاسییە بهێندرێت کە بە مەبەست بەسەر هەرێمەکەماندا سەپێندراوە.

 

لایەنە پەیوەندیدارەکانیش دەبوو بیانزانیایە و چاوکراوەتر بن کە هەرکاتێک گۆڕانکاری لە کەشوهەوا ڕوودەدات بە تایبەت کە بەرەو وەرزی سارد و سەرما دەڕۆین چەکدارانی داعش جموجۆڵ و پەلامارەکانیان زیاتر دەکەن، دەبێت ئامادەکاریی باشتر بکەن بۆ بەرەنگاربوونەوەی پەلامارەکانی داعش.

 

لاهور شێخ جەنگی

هاوسەرۆکی یەکێتیی نیشتیمانیی کوردستان