گه‌ڕان

Shadow Shadow
سیاسه‌تی

زانیاریی زیاتر

زانكۆ لەبارەی سزادانی ’’ئەو خوێندكارەی جڕتەكەی لێدا’’ هاتە دەنگ

2021.11.30 - 15:12
App store icon Play store icon Play store icon
زانكۆ لەبارەی سزادانی  ’’ئەو خوێندكارەی جڕتەكەی لێدا’’  هاتە دەنگ

ناس کورد- 

ڕاگرایەتی کۆلێجی زانستە مرۆڤایەتییەکان لە زانکۆی سلێمانی لە ڕوونکردنەوەیەکدا ڕایگەیاند، لە ماوەی رۆژانی خۆپیشاندانی خوێندکاراندا ھیچ خوێندكارێك لە بەشەكانی كۆلێژەکە بە نەھاتوو ئەژمارنەكراوە و هیچ خوێندکارێکیش سزا نەدراوە، دەشڵێت پاڵپشتی داوا ڕەواکانی خوێندکاران دەکەن. 

کەناڵی ناس کورد لە تێلیگرام جۆین بکە   

 

دەقی ڕوونكردنەوەکە: 

 

راگرایەتی كۆلێژی زانستە مرۆڤایەتییەكان بە پێویستی دەزانێت كە رایگشتی و كەناڵەكانی راگەیاندن ئاگاداربكاتەوە سەبارەت بە چەند دەنگۆیەك دەربارەی سزادانی خوێندكارێك لەسەر ھەڵسوكەوتێكی لە میدیاكاندا كە لە ماوەی خۆپیشاندانەكانی چەند رۆژی رابردوو بڵاوبوەتەوە. دەمانەوێت بۆ رایگشتی روونبكەیەنەوە و جەختدەكەینەوە كە:

 

١-لە ماوەی رۆژانی خۆپیشاندا ھیچ خوێندكارێك لە بەشەكانی كۆلێژمان بە نەھاتوو ئەژمارنەكراوە.

 

٢- ھیچ خوێندكارێك لە بەشەكانی كۆلێژمان بە ھۆی بەشداری خۆپیشاندان یان ھەر ھەڵسوكەوتێكی دیكە سزا نەدراوە.

 

ھاوكات ئەوەش بە بیردێنینەوە كە راگرایەتی كۆلێژمان ھاوشان لەگەڵ راگرایەتییەكانی دیكە لە ئەنجومەنی زانكۆ پاڵپشتی خۆی بۆ داوا رەواكانی خوێندكاران دەربڕیوە.

 

راگەیاندنی كۆلێژی زانستە مرۆڤایەتییەكان