گه‌ڕان

Shadow Shadow
سیاسه‌تی

هۆکار چییە؟

لە حەوت مانگدا کێڵگە پەلەوەریەکان 40 ملیار دینار زیانیان کردووە

2021.11.30 - 13:52
App store icon Play store icon Play store icon
لە حەوت مانگدا کێڵگە پەلەوەریەکان 40 ملیار دینار زیانیان کردووە

ناس کورد-

سەرۆکی کۆمەڵەی کێڵگە پەلەوەریەکانی سلێمانی زیانی خاوەن پڕۆژەکانی بەرهەم هێنانی مریشکی لەماوەی حەوت مانگی ئەمساڵ ڕاگەیاند کە بە نزیکەى 40 ملیار دینار مەزەندە دەکرێت. 

کەناڵی ناس کورد لە تێلیگرام جۆین بکە   

 

نازم عبدوڵا جاف، سەرۆکی کۆمەڵەی کێڵگە پەلەوەریەکانی سلێمانی بە ماڵپەڕی ژووری بازرگانی و پیشەسازیی سلێمانی (30ی تشرینی دووەمی 2021) ڕاگەیاند، “کۆمەڵێک هۆکار هەیە کە بۆتەهۆی زیانگەیاندن و زەرەری بەردەوام بەکەرتی پەلەوەر لەوانە گرانبونی عەلەف چوار مانگ پێش ئێستا بە 440 دۆلار بووە ئێستا بۆتە 580 دۆلار وە نرخی هەر جوجکێک 30 سنت بووە ئێستا بۆتە 75 سنت وە نرخی سوتەمەنی، گرانبووە لیترێک گاز لە 350 دینارەوە بووە بە 800 دینار، یەک تۆن غاز بە 400 هەزار دیناربووە ئێستا بۆتە 950 هەزار دینار”.

 

ڕاشیگەیاند، “بەردەوامی بڵاوبونەوەی نەخۆشی ئابی و نیوکاسڵ و گەمبۆرۆ لەناو مریشکی کێڵگەکاندا هۆکارێکی دیکەی زیانی خاوەن کێڵگەکان کە لە 60% بەرهەمی هۆڵکانی مریشکی لەناوبردووە کە ئەو هۆکارانە بۆتە هۆی بەرزبونەوەی نرخی مریشک لە بازاڕدا”.

 

ئاماژە بەوەشدەکات “لەئێستادا لە 55% هۆڵەکانی گەورەکرنی مریشک بەهۆی نەخۆشی و گرانبونی پێداویستیەکانەوە هۆڵەکانیان پڕنەکردۆتەاو وە بەشێک لەخاوەن کێڵگەکان بەنیازن هۆڵەکانیان بفرۆشن بۆهۆی گرانبونی پێداویستیەکان”.

 

نازم جاف جەخت لەوە دەکاتەوە لەماوەی حەوت مانگدا لە مانگی پێنج هەتا کۆتای مانگی یانزە بڕی 40 ملیار دینار زیان بەر تەواوی خاوەن پرۆژەکان لەهەرێمی کوردستان کەوتووە.

 

کۆمەڵەی کێڵگە پەلەوەریەکان بەردەوام داوادەکەن حکومەت کاربکات بۆ دانانی میکانزمێکی گونجاو بۆ مانەوەی کەرتەکە لەسەرپێی خۆی پشتیوانی تەواوبێت بۆ چارەسەرکردنی ئەو گرفتانەی هەیانە.