گه‌ڕان

Shadow Shadow
سیاسه‌تی

نوێ

بەوێنە؛ پاسەوانێکی دیکەی موراد کانی کوردەیی گیانی لەدەستدا

2021.11.27 - 20:45
App store icon Play store icon Play store icon
بەوێنە؛ پاسەوانێکی دیکەی موراد کانی کوردەیی گیانی لەدەستدا

ناس کورد- 

یەکێکی دیکە لە پاسەوانەکانی موراد کانی کوردەیی کە ڕووداوەکەی چەند شەوی ڕابردوو بریندار ببوو، بەهۆی سەختی برینەکەی گیانی لەدەستدا.

کەناڵی ناس کورد لە تێلیگرام جۆین بکە   

 

بەگوێرەی زانیارییەکانی "ناس کورد" ئێوارەی ئەمڕۆ شەممە 27ی تشرینی دووەمی 2021،  سەرکار فاخر خەتی، یەکێک لەو پاسەوانانەی موراد کانی کوردەیی کە لە شەوی ڕووداوەکەدا بریندار بوو، پاش مانەوەی بۆ ماوەی دوو ڕۆژ لە نەخۆشخانە و بەهۆی سەختی برینەکەی گیانی لەدەستدا. 

 

سەرکار فاخر خەتی، پاسەوانی موراد کانی کوردەیی، بەرپرسی سەربازیی یەکێتیی نزیک لە لاهور شێخ جەنگی بوو، لە شەوی ڕووداوی کوشتنی ناوبراودا لەگەڵیدا بووە و بریندار ببوو. 

 

May be an image of 1 person

 

زیاتر بخوێنەرەوە: هەڵوێستی دەرباز کۆسرەت ڕەسوڵ لەسەر ڕووداوی کوشتنی موراد کانی کوردەیی

 

 

شەوی 25ی تشرینی دووەمی 2021، موراد کانی کوردەیی لە ڕووداوێکدا لەگەڵ دوو پاسەوانیدا کوژران و پاسەوانی سێیەمیشی کە سەرکار فاخر خەتی بوو برینداربوو کە ئەویش ئێوارەی ئەمڕۆ گیانی لەدەستدا. 

 

لەدوای ڕووداوەکە، ئەنجومەنی ئاسایشی هەرێمی کوردستان ڕایگەیاند، کە موراد کانی کوردەیی فەرمانی دەستگیرکردنی هەبووە و هێزێک بۆ دەستگیرکردنی چوون، بەڵام ئەو خۆی نەداوە بە دەستەوە و ڕووبەڕوویان بووەتەوە، لە ئەنجامدا ئەندامێکی هێزە ئەمنییەکە کوژراوە، هەربۆیە ئەوانیش وەڵامیان داوەتەوە و لە ئەنجامدا موراد کانی کوردەیی و پاسەوانەکانی کوژراون. 

 

لە بەرامبەردا بنەماڵەکەی موراد کانی کوردەیی ڕەتیدەکەنەوە، ناوبراو هیچ فەرمانێکی دەستگیرکردنی هەبووبێت و پێیان وایە، ناوبراو بەهۆی نزیکی لە لاهور شێخ جەنگییەوە کوژراوە.