گه‌ڕان

Shadow Shadow
سیاسه‌تی

لەدوای لێدوانەکەی ئەمڕۆی

مەسرور بارزانی قسەی نوێ لەبارەی دەرماڵە و کێشەی قوتابیان دەکات

2021.11.27 - 16:40
App store icon Play store icon Play store icon
مەسرور بارزانی قسەی نوێ لەبارەی دەرماڵە و کێشەی قوتابیان دەکات

ناس کورد- 

مەسرور بارزانی، سەرۆکی حکومەتی هەرێم لەدوای ئەوەی وتی، لە هیچ شوێنێکی دونیا نەبووە بە خۆڕایی بخوێنیت و داوای دەرماڵەش بکەیت، قسەی نوێی کرد و دەڵێت، ئەولەویەتی کارەکانیان دروستکردنەوەی بەشە ناوخۆییەکانە، دەشڵێت، ئەو قوتابیانەی پێویستیان بە هاوکاری هەیە و کەمدەرامەتن هەوڵدەدەن بۆیان چارەسەر بکەن.

کەناڵی ناس کورد لە تێلیگرام جۆین بکە   

 

ئەمڕۆ شەممە 27ی تشرینی دووەمی 2021، مەسرور بارزانی، سەرۆکی حکومەتی هەرێم لەگەڵ لەگەڵ بەشێک لە قوتابیانی زانکۆکانی هەرێمی کوردستان لە کۆلێژی پەروەردەی بنیات کۆبووەوە و تیایدا ڕایگەیاند، "لە هیچ شوێنێکی دونیا نەبووە بە خۆڕایی بخوێنیت و داوای دەرماڵەش بکەیت."  ئەوەش کاردانەوەی زۆری لێکەوتەوە. 

 

لەدوای کۆبوونەوەکە مەسرور بارزانی لە کۆنفرانسێکی ڕۆژنامەوانیدا ڕایگەیاند، "خۆشحاڵ بووم کە لە نزیکەوە لەگەڵ خوێندکاران گفتوگۆمان کرد تا لە نزیکەوە گوێ لە کێشە و داواکارییەکانیان بگرین و ئێمەش باسی دۆخی هەرێم و سیاسەتی حکومەتمان بۆ کردن." 

 

وتیشی، "ئەو داواکارییانەی کە ڕەوان و قوتابیان داوای دەکەن ئەوەی لە تواناماندا بێت بۆیان جێبەجێ دەکەین، لە سەرووی هەموویانەوە دروستکردنەوە و رێکخستنەوەی بەشە ناوخۆییەکان لە ئەولەویەتی کارەکانمان دەبێت." 

 

سەرۆکی حکومەتی هەرێمی کوردستان جارێکیتر قوتابیانی لە پێدانی دەرماڵە بێئومێت کردەوە و ڕایگەیاند، "ئەو قوتابیانەی پێویستیان بە هاوکاری هەیە و کەمدەرامەتن لێکۆڵینەوەی لێدەکەین بۆ ئەوەی بتوانین بەشێوەیەکی ڕیشەیی چارەسەری ئەو گرفتانە بکەین." 

 

سەرۆکی حکومەتی هەرێم ئاماژەی بەوەشکرد، "ئامانجمان ئەوەیە ئاستی خوێندن لە هەرێم بەرەو پێشتر ببەین و شێوازی ژیانی قوتابیان باشتر بکەین و هەلی کاریان بۆ بڕەخسێنین ئەوەش کاری هەموومانە کە پێکەوە ئەنجامی بدەین، چونکە هەموومانە ئەرک و مافمان هەیە." 

 

ڕوونیشیکردەوە، "ئەو کەسانەی کە سوکایەتییان بە هێزە ئەمنییەکان و ئاڵای کوردستان کرد ئەوانە قوتابی نین و بەدڵنیاییەوە ڕووبەڕووی یاسایان دەکەینەوە، سوپاسی قوتابیان دەکەین کە بەشێوەیەکی زانستییانە داواکانی خۆیان گەیاندە."