گه‌ڕان

Shadow Shadow
سیاسه‌تی

هۆکارەکان بزانە

بی بی سی چوار ھۆکاری کۆچی هاوڵاتیانی هەرێم بۆ ئەوروپا ئاشکرا دەکات

2021.11.27 - 12:10
App store icon Play store icon Play store icon
بی بی سی چوار ھۆکاری کۆچی هاوڵاتیانی هەرێم بۆ ئەوروپا ئاشکرا دەکات

ناس کورد-

ڕاپۆرتێکی بی بی سی بەریتانی دەڵێت، گیانی لەدەستدانی چەند کۆچبەرێک بەهۆی نقومبوونی بەلەمەکەیان لە کەنداوی ئینگلیزی و ڕەقبوونەوەى هەندێکی تریان لە سنوری بیلاڕوسیا و پۆڵەندا، ڕای گشتیی جیهانی بەخۆیەوە سەرقاڵ کردووە کە ئاخۆ بۆچی کوردانی عێراق لە هەرێمەکەیان ڕا دەکەن و بەرەو ئەوروپا دەچن.

کەناڵی ناس کورد لە تێلیگرام جۆین بکە   

 

بەپێی ڕاپۆرتی بی بی سی، ئەوکەسانەی لە ھەرێمی کوردستانەوە سەرکێشی بە ژیانیانەوە دەکەن بۆ گەیشتنە ئەوروپا ناڕازین لە بەرزی ئاستی بێکاری و نەبون و نەدانی موچە، لاوازی خزمەتگوزاری گشتی، گەندەڵی و تۆڕەکانی مەحسوبیەتی پەیوەست بە ھەردوو بنەماڵەی دەسەڵاتدار بارزانی و تاڵەبانی کە نزیکەی سێ دەیەیە دەسەڵاتیان کۆنتڕۆڵکردووە.

 

زیاتر بخوێنەوە: بی بی سی دواین نامەگۆڕینەوەی باران و دەستگیرانەکەى لەناو بەلەم ئاشکرا دەکات

 

گەنجێکی کوردی هەرێمی کوردستان لە دارستانەکانی دانکیخ لە فەڕەنسا دەڵێت، "هیچ ئومێدێک نییە لە کوردستان، هەموو گەنجێک پێویستە کۆچ بکات، جگە لەوانەی لەلایەن دوو حزبی دەسەڵاتەوە پشتگیری دەکرێن."

 

ژنێکیش کە هاوسەرەکەی چەندین ساڵ پێشمەرگە بووە دەڵێت، "ئێمە بەهۆی نەبوونی موچەوە هەرێمی کوردستانمان بەجێهێشتووە."

 

دەشڵێت، "ئومێدمان هەیە کاتێک گەیشتنە بەریتانیا، داهاتوویەکی ڕۆشنتر چاوەڕیی منداڵەکانمان بکات."