گه‌ڕان

Shadow Shadow
سیاسه‌تی

ناوی نوێی بۆ دادەنرێت

سەرهەڵدانی كۆرۆنای ئەفەریقی شڵەژان لە جیهاندا دروست دەكات

2021.11.26 - 11:58
App store icon Play store icon Play store icon
سەرهەڵدانی كۆرۆنای ئەفەریقی شڵەژان لە جیهاندا دروست دەكات

 ناس كورد_

سەرۆكی تیمی هونەری یەكەی فریاكەوتنی ڕێكخراوی تەندروستی جیهانی ڕایگەیاند: ئەمڕۆ كۆبوونەوەیەكی تایبەت ڕێكدەخەن لەبارەی ئاشكرابوونی نەوەیەكی نوێی ڤایرۆس كۆرۆنا لە باشوری ئەفەریقا كە بە (B.1.1.529)  ناسراوە.

کەناڵی ناس کورد لە تێلیگرام جۆین بکە   

 

بەپرسەكەی تەندروستی جیهانی لە ڤیدیۆ كۆنفرانسێكدا كە "ناس كورد" بینیویەتی (26ی تشرینی دووەمی 2021) ئەوەی ئاشكراكرد ئەوان بەدوای نەوەیەكی كۆرۆناوەن كە دەیان پەلهاویشتن لە پڕۆتینی "سبایك" یدا هەیە و لەبارەی كاریگەریی ئەم نەوەیە لەسەر ڤاكسینەكان هەڵوێستە دەكەن.

 

تەندروستی جیهانی هێشتا زانیاریی تەواوی نییە لەبارەی ئەم نەوە نوێیەی كۆرۆنا، بەڵام بۆی دەركەوتووە پەرەسەندنی خێرایە، ئەگەریش زۆر جیاوازبوو لە ڤایرۆسەكەی پێش خۆی ئەوە ناوێكی نوێی پێ دەدرێت بەپێی پیتی ئەبجەدی لاتینی.

 

مەترسییەكان لەوەدا چڕبوونەتەوە نەوە نوێیە ئەفەریقییەكە بەسەر بەرگری لەش و ڤاكسیندا زاڵ بێت، بەم هۆیەشەوە بەریتانیا گەشتە ئاسمانییەكانی لەگەڵ شەش وڵاتی ئەفەریقا ڕاگرت، هەروەها ئەڵمانیا هەنگاوی هاوشێوەی گرتەبەر.

 

لەلای خۆشییەوە كۆمسیۆنی یەكێتی ئەوروپا پێشنیاری ڕاگرتنی گەشتەكانی بۆ كیشوەری ئەفەریقا كردووە تا ڕوونبوونەوەی بارودۆخی تەندروستی و كۆكردنەوەی زانیاری لەسەر ڤایرۆسەكە.