گه‌ڕان

Shadow Shadow
سیاسه‌تی

وردەکاریی

هەواڵی دژبەیەك هەیە لەبارەی چارەنووسی موراد کانی کوردەیی

2021.11.25 - 23:03
App store icon Play store icon Play store icon
هەواڵی دژبەیەك هەیە لەبارەی چارەنووسی موراد کانی کوردەیی

ناس کورد- 

لەدوای ڕووداوەکەی ئێوارەی ئەمڕۆی قەزای ڕانیە، هەواڵی دژبەیەک لەبارەی چارەنوسی عەقید موڕاد کانی کوردەیی بڵاودەکرێتەوە و لەگەڵ ئەوەی هێشتا تەرمەکەی دیار نییە، ڕوونیش نییە کە کوژراوە یاخود لە ژیاندا ماوە.

کەناڵی ناس کورد لە تێلیگرام جۆین بکە   

 

ئێوارەی ئەمڕۆ پێنجشەممە 25ی تشرینی دووەمی 2021، لەشاری ڕانیە، عەقید موراد کانی کوردەیی، فەرماندەی سەربازیی یەکێتی درا بە دەستڕێژی گولـلە و خۆی و چەند پاسەوانێکی پێکران.  

 

لەدوای ڕووداوەکە، میدیاکانی یەکێتی لەزاری سەرچاوەیەکی ئەمنییەوە بڵاویانکردەوە کە موراد کانی کوردەیی لە ڕووبەڕووبوونەوەیەکدا لەگەڵ هێزە ئەمنییەکان کوژراوە. 

 

لە بەرامبەردا فەیسبوکێک بەناوی پشکۆ موراد، کوڕی موراد کانی کوردەیی بڵاویکردووەتەوە، "سوپاس بۆ خوا باوکم لەژیاندا ماوە و تەنها بریندارە، دەنگۆی کوژرانی دورە لەڕاستییەوە."

 

me_ga.php?id=4771

 

ئەو بڵاوکراوەیە بەناوی کوڕێکی موڕاد کانی کوردەیی و دیارنەبوونی تەرمی ئەو فەرماندە سەربازییە ڕاستیی کوژرانی ناوبراوی لێڵ کردووە و هەربۆیە تائێستا چارەنوسی بە نادیاری ماوەتەوە. 

 

عەقید موراد کانی کوردەیی یەکێک لەو فەرماندە سەربازییانەی یەکێتیی نیشتیمانیی کورردستانە کە بە نزیک لە لاهور شێخ جەنگی دادەنرا. 



میدیاکانی یەکێتی لەزاری سەرچاوەیەکی ئەمنییەوە (پێنجشەممە 25ی تشرینی دووەمی 2021) بڵاویانکردەوە، " لەکاتی جێبەجێکردنی بڕیاری دەستگیرکردنی داواکراو موراد کانی کوردەیی، لەدوای  ئەوەی ویستراوە یاسا جێبەجێبکرێت، رووبەڕووی ھێزە ئەمنییەکان بووەتەوە."   

  

ئاماژەی بەوەشکردووە، "لەو ڕووبەڕووبوونەوەیەدا موراد کانی کوردەیی و پاسەوانەکانی کارمەندێکی ھێزەئەمنییەکان شەھید دەکەن و سێ کارمەندی تریش بریندار دەکرێن."   

  

ئەوەشی خستووەتەڕوو، " لەئەنجامدا ھێزە ئەمنییەکان وەڵامیان داوەتەوە و موردا کانی کوردەیی کوژراوە."