گه‌ڕان

Shadow Shadow
سیاسه‌تی

بەپەلە

سەرپەرشتیاری ئیدارەی ڕاپەڕین لەبارەی ’’قەدەغەی هاتوچۆ’’ قسە بۆ ناس دەکات

2021.11.25 - 21:58
App store icon Play store icon Play store icon
سەرپەرشتیاری ئیدارەی ڕاپەڕین لەبارەی ’’قەدەغەی هاتوچۆ’’ قسە بۆ ناس دەکات

ناس کورد- 

سەرپەرشتیاری ئیدارەی ڕاپەڕین ڕایگەیاند، دۆخی شاری ڕانیە ئارامە و ئەو ڕووداوەشی ڕوویداوە کۆتایی هاتووە و هیچ پلانێکیش نیە بۆ ڕاگەیاندنی قەدەغەی هاتوچۆ.

کەناڵی ناس کورد لە تێلیگرام جۆین بکە   

 

هیوا قەرەنی، سەرپەرشتیاری ئیدارەی ڕاپەڕین (پێنجشەممە 25ی تشرینی دووەمی 2021) لە لێدوانێکی تایبەتدا بە "ناس کورد"ی ڕاگەیاند، "ئەو ڕووداوەی ڕوویداوە ڕووبەڕووبوونەوەیەک بووە وەک هەر ڕووداوێکی دیکە و کۆتایی هاتووە." 

 

وتیشی، "دۆخی ئیدارەی ڕاپەڕێن و شاری ڕانیە بەتایبەتی ئارامە و هیچ ئاڵۆزییەک لە ئێستادا بوونی نییە و هیچ پلانێکیش بۆ ڕاگەیاندنی قەدەغەی هاتووچۆ بوونی نیە، ئەوەی بڵاودەکرێتەوە دوورە لە ڕاستییەوە." 

 

ئێوارەی ئەمڕۆ پێنجشەممە 25ی تشرینی دووەمی 2021، لەشاری ڕانیە، عەقید موراد کانی کوردەیی، فەرماندەی سەربازیی یەکێتی درا بە دەستڕێژی گولـلە و خۆی و چەند پاسەوانێکی پێکران. 

 

دواتر و میدیای فەرمیی یەکێتی لەزاری سەرچاوەیەکی ئەمنییەوە کوژرانی ئەو فەرماندەیەی ڕاگەیاند، بەڵام تاوەکو ئێستا تەرمەکەی دیار نیە. 



زیاتر بخوێنەرەوە: بە فەرمیی وردەکاریی کوشتنی موراد کانی کوردەیی ئاشکرا کرا