گه‌ڕان

Shadow Shadow
سیاسه‌تی

وردەکاریی

چیرۆکى ئەو کۆچبەرەى لە سنووری بیلاڕوسیا و پۆڵەندا رەقبووەوە

2021.11.25 - 09:27
App store icon Play store icon Play store icon
چیرۆکى ئەو کۆچبەرەى لە سنووری بیلاڕوسیا و پۆڵەندا رەقبووەوە

ناس کورد-

 

 بەختیار موسازادە بەهیواى گەیشتن بە ئەوروپا کەمپى باریکەى لە نزیک سلێمانى بەجێهێشت و لەگەڵ سەدان کۆچبەرى دیکە روویکردە بیلاروسیا، بێ ئاگا لەوەى سەرماى سەخت ژیانى لێدەسێنێتەوە و لەچاوەڕوانى بەدیهێنانى خەونەکەیدا رەقدەبێتەوە و گیان لەدەستدەدات.

کەناڵی ناس کورد لە تێلیگرام جۆین بکە   

 

بەپێی ڕێکخراوی مافی مرۆڤی هەنگاو، بەختیار موسازادە تەمەن ٢٥ ساڵ کە خەڵکی سەلاسی باوەجانی سەر بەپارێزگاى کرماشان بووە، ڕۆژی دووشەممە لە سنووری بیلاڕووس و پۆڵەندا بە هۆی سەرماوە گیانی لەدەست دا.

 

بنەماڵەی بەختیار موسازادە لە ساڵی ١٩٧٩ی زایینی و لە کاتی شەری ئێران و عێراق لەگەڵ سەدان بنەماڵەی دیکە ئاوارەی عێراق بوون و لە کەمپی ئاڵتاش سەربە پارێزگای ڕومادی نیشتەجێ کران.

 

ساڵی ٢٠٠٥ و دوای ڕووخانی حکوومەتی سەدام حوسێن ئەم بنەماڵانە گوازرانەوە بۆ کەمپەکانی تایبەت بە پەناخوازەکان لە سلێمانی ، کەلار و هەولێر و بنەماڵەی بەختیار لە کەمپی باریکە لە نزیکی سلێمانی بە ناوی کەمپی باریکە نیشتەجێ بوون.

 

بە پشتبەستن بە ئاماری تۆمارکراو لە ناوەندی ئامار و بەڵگەکانی ڕێکخراوی مافی مرۆڤی هەنگاو، لە سەرەتای ساڵی ٢٧٢١ تا ئێستا )لە سەرەتای بەهارەوە) لانیکەم ٧ پەناخوازی کوردی خەڵکی کرماشان، سەلاسی باوەجانی، مەریوان (٣ کەس) و سەردەشت (٢ کەس) لە کاتی چوون بۆ ئەورووپا گیانیان لەدەست داوە کە دوو کەسیان ژن بوون.