گه‌ڕان

Shadow Shadow
سیاسه‌تی

’’لایەن و گروپی سیاسی’’

هۆشدارییەکى توند لە دژە تیرۆرەوە لەبارەى خۆپیشاندانەکان

2021.11.25 - 08:51
App store icon Play store icon Play store icon
هۆشدارییەکى توند لە دژە تیرۆرەوە لەبارەى خۆپیشاندانەکان

ناس کورد-

 

 بەڕێوەبەرایەتی دژەتیرۆر هۆشداریی روبەڕووبونەوى توندى هەر لایەن و گروپێکی سیاسی دەدات کە هەوڵى گۆڕینى ئاڕاستەى خۆپیشاندانەکان بدەن.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى دژە تیرۆر کە دەست "ناس کورد" کەوتووە " لێرەو لەوێ ئاراستەی ناڕەزاییەکان تێک دەدرێت پێش ئێمە پێویستە خوێندکاران بەگژ ئەو دەستانەدا بچنەوە کە ڕێگەی ئامانجە ڕەواکەیان لێ تێک دەدات لەبەرامبەدا ئەرکی سەرەکی ئێمەیە کە ئاسایش و سەقامگیری هاوڵاتیان وەک هەمیشە بپارێزین و بەرگری لە داموو دەزگاکانی میری بکەین کە مووڵکی گشتین".

 

دەقى راگەیەنراوەکە:

 

ڕاگەیەندراوێک لە بەڕێوەبەرایەتی دژەتیرۆر

لەگەڵ سەرهەڵدانی خۆپیشاندانەکانی خوێندکارانی زانکۆ و پەیمانگاکانی کوردستان زۆر بەڕوونی و بە ئاشکرایی پشتیوانی ڕاستەقینەی داواکارییەکانیان دەکەین وە هێزی بنەڕەتی پاراستنیانین چونکە ڕۆڵەی خۆمانن و مافی یاسایی خۆیانە کە حکومەتی هەرێم مافی دەرەماڵە و خزمەتگوزارییەکانیان بۆ دابین بکات

 

بەڵام بەداخەوە لێرەو لەوێ ئاراستەی ناڕەزاییەکان تێک دەدرێت پێش ئێمە پێویستە خوێندکاران بەگژ ئەو دەستانەدا بچنەوە کە ڕێگەی ئامانجە ڕەواکەیان لێ تێک دەدات لەبەرامبەدا ئەرکی سەرەکی ئێمەیە کە ئاسایش و سەقامگیری هاوڵاتیان وەک هەمیشە بپارێزین و بەرگری لە داموو دەزگاکانی میری بکەین کە مووڵکی گشتین بۆیە ڕایدەگەیەنین هەر لایەن و گروپێکی سیاسی یاخود کەسانی بەرژەوەندی خواز بۆ مەبەستی خۆیان ئاراستەی خۆپیشاندانەکان بگۆڕن بەتوندی ڕوبەڕوویان دەبینەوە و وە دڵنیایی بە خەلکی کوردستان و خوێندکاران دەدەین پاراستنی بەرژەوەندییەکانیان لە ئەستۆی ئێمەدایە و بڕینەوەی دەستی تێکدەرانیش تەنها لە پێناو ئامانجە سەرەکییەکەی خۆپیشاندەردایە.

 

بەڕێوەبەرایەتی هێزەکانی دژەتیرۆر