گه‌ڕان

Shadow Shadow
سیاسه‌تی

ئەنقەرە گەرەنتی دەكات

ڕاپۆرتێک: عەرەبە سوننەكان لەسەر دابەشكردنی بەركەوتەكانیان ڕێككەوتوون

2021.11.24 - 10:33
App store icon Play store icon Play store icon
ڕاپۆرتێک: عەرەبە سوننەكان لەسەر دابەشكردنی بەركەوتەكانیان ڕێككەوتوون

ناس کورد-

ڕۆژنامەی شەرقولئەوسەتی چاپی لەندەن بڵاوی كردەوە، لایەنەكانی عەرەبی سوننەكان لەنێوان خۆیاندا ڕێككەوتوون لەبارەی چۆنییەتی دابەشكردنی بەركەوتەكانیان لە پۆستە سیادییەكانی عێراق لە قۆناغی دوای هەڵبژاردن.

کەناڵی ناس کورد لە تێلیگرام جۆین بکە   

 

بەگوێرەی ڕاپۆرتێكی رۆژنامەكە كە "ناس كورد" بینیویەتی (24ی تشرینی دووەمی 2021) هەردوو هاوپەیمانێتی تەقەدوم (43 كورسی) و عەزم (14 كورسی) لەسەر ئەوە ڕێككەوتوون سەرۆكی یەكەمیان كە محەمەد حەلبوسییە جارێكی تر سەرۆكایەتی پەرلەمان وەربگرێتەوە، سەرۆكی دووەمیشیان كە بزنسمانی ناسراو خەمیس خەنجەرە بكرێتە جێگری سەرۆككۆماری عێراق.

 

هاوپەیمانییەكانی عەزم و تەقەدوم دوو ڕكابەری سەرەكیی یەكتربوون لەناوچە سوننەكان، بەڵام ئەوەی حەلبوسی بەشێوەیەكی بەرچاو سەركەوت بەسەر ئەوەی خەمیس خەنجەر لە ئەنجامەكانی هەڵبژاردن، لە ماوەی پێشووشدا ئەردۆغانی سەرۆك كۆماری توركیا بە جیا چاوی بەهەردووكیان كەوت لە ئەنقەرە.

 

بەگوێرەی زانیارییە بەردەستەكان ئەردۆغان گفتی داوە پاڵپشتی زیاتر لە عەرەبی سوننە بكات و ئەنقەرەش گرەنتی رێككەوتنی نێوان ئەم دوو جەمسەرە سوننەیە دەكات بۆ خولی پێنجەم، ئەمەش بەگوێرەی لێدوانی هەندێك لەو پەرلەمانتارانەی لە دانیشتنەكەی ئەنقەرە بەشداربوون.