گه‌ڕان

Shadow Shadow
سیاسه‌تی

ئەمڕۆ دەنگ لەسەر هەمواری یاسای پارێزگاکانی هەرێم دەدرێت

2019.07.08 - 09:30
App store icon Play store icon Play store icon
ئەمڕۆ دەنگ لەسەر هەمواری یاسای پارێزگاکانی هەرێم دەدرێت

کەناڵی ناس کورد لە تێلیگرام جۆین بکە   

ناس کورد بڕیارە ئەمڕۆ پەرلەمانی کوردستان دانیشتنێک ئەنجام بدات و تێیدا دەنگ لەسەر هەمواری یاسای پارێزگاکانی هەرێم بدات. . ڕاگەیاندنی دەستەی سەرۆکایەتی پەرلەمان بڵاویکردوەتەوە، ئەمڕۆ دووشەممە 8ی تەمموزی 2019، پەرلەمانی کوردستان  دانیشتنی ژماره‌ 12ى ئاسایی خولی به‌هاره‌ی ساڵی یه‌كه‌م ئەنجام دەدات. . بەپێی کارنامەی دانیشتنەکە، کۆبوونەوەکە یەک بڕگەی دەبێت و تێیدا ده‌نگدان له‌سه‌ر پێشنیازی یاسای هه‌موارى یه‌كه‌می یاسای ژماره‌ سێى ساڵی 2009 یاسای پارێزگاكانی هه‌رێمی كوردستان ئەنجام دەدرێت. . لەوبارەوە عەبدوستار مەجید سەرۆکی فراکسیۆنی کۆمەڵ لە پەرلەمانی کوردستان ڕایگەیاند ئەوان تێبینیان لەسەر پێشنیازەکە هەیە و دەنگی پێ نادەن. . سەرۆکی فراکسیۆنی کۆمەڵ وتیشی پەلە پەلێکی زۆر بە تێپەڕاندنی پڕۆژە یاساکەوە دیارە و تەنیا ئامانجێکی دیارکراوی لە پشتە. . بەپێی پێشنیازەکە کە لە لایەن فراکسیۆنی پارتیەوە ئامادەکراوە، ماوەی کارکردنی ئەنجومەنی پارێزگاکان تا ئەنجامدانی هەڵبژاردنی ئەو ئەنجومەنانە درێژدەکرێتەوە، و رێگە بە کاندیدی پارێزرگاریش دەدات، لە دەرەوەی ئەنجومەنەکان دیاری بکرێن. .