گه‌ڕان

Shadow Shadow
سیاسه‌تی

بەپەلە

یەکەم لێدوانى مەڵبەندى یەکێتى لەسەر سوتانى بەشێکى

2021.11.23 - 17:02
App store icon Play store icon Play store icon
یەکەم لێدوانى مەڵبەندى یەکێتى لەسەر سوتانى بەشێکى

ناس کورد-

 

بەرپرسێکى مەڵبەندى یەکێتى لەسلێمانى رایگەیاند، زیانێکى کەم بەر بارەگاکەیان کەوتووە بەهۆى سوتانى ژورێکى مەڵبەندەوە کە بەهۆى غازى فرمێسک ڕێژەوە ئاگرى تێبەربوو.

کەناڵی ناس کورد لە تێلیگرام جۆین بکە   

 

جەبار فارس لێپرسراوی راگەیاندن و روناكبیری لە مەڵبەندی یەكی سلێمانی بە تەلەفزیۆنى فەرمى حزبەکەى راگەیاند "بەشێك لەو كەسانەی هێرشیان كردە سەر مەڵبەندی یەكێتی و كاری ناڕەوایان كرد خوێندكار نەبوون".

 

وتیشى "ئەو کەسانە کاتژمێر 12:30 گەیشتنە نزیک مەڵبەند، بەچاوى خۆمان بینیمان بەشێکیان خوێندکار نەبوون و بەردیان گرتە مەڵبەند و تەنها ژورێک گڕیگرتووە بەهۆى غازى فرمێسک رێژەوە،زیانێکى ماددى کەمیان بەمەڵبەند گەیاند".

 

ئەمڕۆ بۆ ڕۆژی سێیەم لەسەریەک خۆپیشاندانی خوێندکاران لە سلێمانی بۆ داواکردنی دەرماڵە بەردەوام بوو، خوێندکاران لە زانکۆی سلێمانییەوە بەرەو بەردەرکی سەرای سلێمانی بەڕێکەوتن، بەڵام لە نزیک شەقامی سەهۆڵەکە لەلایەن هێزە ئەمنییەکانەوە ڕێگرییان لێ کرا، دواتر لە بەردەم مەڵبەندی یەکی ڕێکخستنی یەکێتیی نیشتمانیی کوردستان گرژی و ئاڵۆزی دروست بوو.   

  

  

خوێندکاران قسەیان بۆ پەیامنێری ناس کورد کرد دەڵێن، ئەمڕۆ ئەوان شەقام ناگرن و بەشێوەیەکی هێمنانە داوای مافی خۆیان دەکەن و هیوادارن حکومەت بە دەم داواکەیانەوە بچێت.        

  

ماوەی سێ ڕۆژە خۆپیشاندانی خوێندکاران بۆ داواکردنی دەرماڵەکانیان دەستیپێکردووە و دوێنێ دووشەممە خۆپیشاندانەکە گرژی لێکەوتەوە و چەند خوێندکارێک برینداربوون.         

  

وەزارەتی دارایی و ئابوریی هەرێم لە ڕوونکردنەوەیەکدا (22ی تشرینی دووەمی 2021) دەڵێت، بە بڕیاری ئەنجومەنی وەزیرانی ژمارە (1018) لە بەرواری 11/2/2014 و بەهۆی قەیرانی داراییەوە خەرجكردنی دەرماڵەی خوێندكاران ڕاگیراوە.          

  

دەشڵێت، پێش 2014 و دوای په‌سه‌ندكردنی بودجه‌ له‌ په‌رله‌مانه‌وه‌ تخصيصات بۆ دەرماڵەی خوێندكاران دانراوه‌ و هه‌ر لە وەزارەتی خوێندنی باڵاوه‌ خه‌رجكراوه‌ و به‌ هیچ جۆرێك نه‌هاتۆته‌وه‌ بۆ وه‌زاره‌تی دارایی و په‌یوه‌ندی به‌ داراییه‌وه‌ نییه‌.