گه‌ڕان

Shadow Shadow
سیاسه‌تی

بەپەلە

خۆپیشاندانی خوێندکاران لە هەولێریش دەستی پێ کرد

2021.11.23 - 10:00
App store icon Play store icon Play store icon
خۆپیشاندانی خوێندکاران لە هەولێریش دەستی پێ کرد

ناس کورد- 

دوای بەردەوامی خۆپیشاندانی خوێندکاران لە سلێمانی، سەرلەبەیانی ئەمڕۆ خۆپیشاندان لە هەولێریش لە بەردەم وەزارەتی خوێندنی باڵا دەستیپێکرد.

کەناڵی ناس کورد لە تێلیگرام جۆین بکە   

ئەمڕۆ سێشەممە 23ی تشرینی دووەمی 2021، ژمارەیەک خوێندکاری زانکۆ و پەیمانگەکان لە هەولێر لە بەردەم وەزارەتی خوێندنی باڵا گردبوونەوە و داوای گەڕانەوەی دەرماڵە دەکەن. 

 

خوێندکاران بە دروشمی "چیتان دەوێت قوتابیان؟ دەرماڵە و مافی خۆمان" داوای دەرماڵە دەکەن و گردبوونەوەکە بەردەوامە. 

me_ga.php?id=4764

me_ga.php?id=4763

 

هەر ئەمڕۆ و بۆ ڕۆژی سێیەم لەسەریەک خۆپیشاندانی خوێندکاران لە سلێمانی بۆ داواکردنی دەرماڵە بەردەوامە و بەشێکی زۆر لە خوێندکاران فیکەیان پێیە و فیکە لێدەدەن.   

 

خوێندکاران قسەیان بۆ پەیامنێری ناس کورد کرد و دەڵێن، ئەمڕۆ ئەوان شەقام ناگرن و بەشێوەیەکی هێمنانە داوای مافی خۆیان دەکەن و هیوادارن حکومەت بە دەم داواکەیانەوە بچێت.  

  

ماوەی سێ ڕۆژە خۆپیشاندانی خوێندکاران بۆ داواکردنی دەرماڵەکانیان دەستیپێکردووە و دوێنێ دووشەممە خۆپیشاندانەکە گرژی لێکەوتەوە و چەند خوێندکارێک برینداربوون.   

  

وەزارەتی دارایی و ئابوریی هەرێم لە ڕوونکردنەوەیەکدا (22ی تشرینی دووەمی 2021) دەڵێت، بە بڕیاری ئەنجومەنی وەزیرانی ژمارە (1018) لە بەرواری 11/2/2014 و بەهۆی قەیرانی داراییەوە خەرجكردنی دەرماڵەی خوێندكاران ڕاگیراوە.    

  

دەشڵێت، پێش 2014 و دوای په‌سه‌ندكردنی بودجه‌ له‌ په‌رله‌مانه‌وه‌ تخصيصات بۆ دەرماڵەی خوێندكاران دانراوه‌ و هه‌ر لە وەزارەتی خوێندنی باڵاوه‌ خه‌رجكراوه‌ و به‌ هیچ جۆرێك نه‌هاتۆته‌وه‌ بۆ وه‌زاره‌تی دارایی و په‌یوه‌ندی به‌ داراییه‌وه‌ نییه‌.