گه‌ڕان

Shadow Shadow
سیاسه‌تی

نوێ

لەبارەی دەرماڵەی خوێندکارانەوە وەڵامی وەزارەتی دارایی دەدرێتەوە

2021.11.23 - 09:29
App store icon Play store icon Play store icon
لەبارەی دەرماڵەی خوێندکارانەوە وەڵامی وەزارەتی دارایی دەدرێتەوە

 

ناس کورد- 

 

میدیای فەرمیی یەکێتی لەبارەی پرسی دەرماڵەی خوێندکاران دەڵێت، وەزارەتی خوێندنی باڵاو توێژینەوەی زانستی لەسەرەتای كابینەی نۆیەمەوە داوای لە وەزارەتی دارایی و ئەنجومەنی وەزیران كردووە كە پێویستە بەزوترین كات دەرماڵەی خوێندكاران خەرج بكرێتەوە، بەڵام ئەوان هۆکاربوون بۆ خەرج نەکردنی.

 

کەناڵی ناس کورد لە تێلیگرام جۆین بکە   

 

میدیای فەرمیی یەکێتی (سێشەممە 23ی تشرینی دووەمی 2021) نوسراوێکی وەزارەتی خوێندنی باڵای بڵاوکردووەتەوە و دەڵێت، "بەگوێرەی بەڵگەكان وەزارەتی خوێندنی باڵا چەندین جار داوای لە ئەنجومەنی وەزیران و وەزارەتی دارایی كردوە كە دەرماڵەی خوێندكاران وەكو مافێكی یاسایی خەرج بكرێت، تەنانەت خودی وەزیری خوێندنی باڵا لە دانیشتنەكانی ئەنجومەنی وەزیران چەندین جار ئەو پرسەی وروژاندوە و داوای كردووە حكومەت بە جددی هەوڵەكانی بخاتەكار بۆ خەرجكردنی دەرماڵەی خوێندكاران." 

 

ئاماژەی بەوەشکردووە، "بە گوێرەی ئەم بەڵگەنامەیە، ئارام محەمەد، وەزیری خوێندنی باڵاو توێژینەوەی زانستی، پرسەکەی بردووەتە سەر مێزی ئەنجومەنی وەزیران و لە کۆبوونەوەیەکدا بە بەشداریی سەرۆکوەزیران، داوایکردووە بەهەر جۆرێک بێت دەست بە خەرجکردنەوەی دەرماڵەی خوێندکاران بکرێتەوە."

 

ئەوەشی خستووەتەڕوو، "هەر بەگوێرەی ئەم بەڵگەنامەیەی خوارەوە، وەزارەتی خوێندنی باڵا جارێكی دیكە داوای كردەوە كە دەرماڵەی خوێندكاران بخرێتەوە ناو پرۆژە یاسای بودجەی حكومەتی هەرێمی كوردستان، بەڵام وەزارەتی دارایی بەبیانوی زۆری بودجەكە و نەبونی داهات، داواكارییەكەی وەزارەتی خوێندنی باڵای نەخستوەتە ناو پرۆژە یاسای بودجە." 

 

وەڵامەکەی میدیای یەکێتی و بەرگریکردن لە وەزیری خوێندنی باڵا کە لەسەر پشکی یەکێتییە لەکاتێکدایە وەزارەتی دارایی و ئابوریی هەرێم لە ڕوونکردنەوەیەکدا (22ی تشرینی دووەمی 2021) دەڵێت، بە بڕیاری ئەنجومەنی وەزیرانی ژمارە (1018) لە بەرواری 11/2/2014 و بەهۆی قەیرانی داراییەوە خەرجكردنی دەرماڵەی خوێندكاران ڕاگیراوە.  

 

دەشڵێت، پێش 2014 و دوای په‌سه‌ندكردنی بودجه‌ له‌ په‌رله‌مانه‌وه‌ تخصيصات بۆ دەرماڵەی خوێندكاران دانراوه‌ و هه‌ر لە وەزارەتی خوێندنی باڵاوه‌ خه‌رجكراوه‌ و به‌ هیچ جۆرێك نه‌هاتۆته‌وه‌ بۆ وه‌زاره‌تی دارایی و په‌یوه‌ندی به‌ داراییه‌وه‌ نییه‌.  

  

وەزارەتەکە جەختی کردووەتەوە کە "هیچ نووسراوێكی فەرمی وەزارەتی خوێندنی باڵا و توێژینه‌وه‌ی زانستی لە ڕێگای ئەنجومەنی وەزیرانەوە له‌ ساڵی 2021  نەھاتووە بۆ وەزارەتی دارایی تایبەت بە دەرماڵەی خوێندكاران."  

 

2222112021259022484_1621176618220803_434483651339590245_n.jpg