گه‌ڕان

Shadow Shadow
سیاسه‌تی

ڕوونکردنەوەیەک لە کۆماندۆی کوردستانەوە لەبارەی کەوتنە حاڵەتی ئامادەباشییەوە

2021.11.22 - 17:19
App store icon Play store icon Play store icon
ڕوونکردنەوەیەک لە کۆماندۆی کوردستانەوە لەبارەی کەوتنە حاڵەتی ئامادەباشییەوە

ناس کورد- 

هێزەكانی كۆماندۆ هەواڵی خرانە حاڵەتی ئامادەباشییان بەهۆی خۆپیشاندانەکانی ئەمڕۆی سلێمانی ڕەتدەکاتەوە و دەڵێت، بۆ پاراستنی خەڵکی کوردستان دروستبوون.

کەناڵی ناس کورد لە تێلیگرام جۆین بکە   

 

لە ڕوونکردنەوەیەکدا هێزەکانی کۆماندۆی کوردستان (دووشەممە 22ی تشرینی دووەمی 2021) ڕایگەیاند، " سەرجەم ئەو هەواڵانەی لە پەیچە سێبەرەکانەوە بەناوی کۆماندۆ بڵاو دەکرێنەوە دوورن لە ڕاستییەوە، کۆماندۆ لە سەرەتای دروست بوونیەوە بۆ پاراستنی خەڵکی کوردستان کاری کردووە و قوربانیشی داوە." 

 

ئاماژەی بەوەشکردووە، " بەم جۆرە هەواڵانە کۆماندۆی کوردستان ناشرین نابێت ئامانجمان ڕوونە پاراستنی خەڵکی کوردستان ئەرکی ئێمەیە." 

 

ئەوەش لەکاتێکدایە، لە تۆڕە کۆمەڵایەتییەکان ئەوە بڵاوکرایەوە کە هێزی كۆماندۆ خراونەتە حاڵەتی ‏ئامادەباشییەوە بۆ هەر حاڵەتێكی لەناكاوی خۆپیشاندانی خوێندكاران. 

 

ئەمڕۆ دووشەممە 22ی تشرینی دووهەمی 2021 لە زۆربەی شارەكانی هەرێمی كوردستان، بەشێك لە خوێندكارانی زانكۆ و پەیمانگاكان، گردبوونەوەی نارەزایەتیان ئەنجامدا.  

 

هەر لەو چوارچێوەیەدا خۆپیشاندانەکەی خوێندکاران لە بەردەم زانکۆی سلێمانی بۆ داواکردنی دەرماڵە گرژی لێکەوتەوە و بەهۆی تەقەی گازی فرمێسک ڕێژی هێزە ئەمنییەکانەوە کچە خوێندکارێک بە سەختی برینداربوو.