گه‌ڕان

Shadow Shadow
سیاسه‌تی

زانیارى زیاتر

پەیامێکى ئەڵمانیا بۆ هەرێم لەبارەى دەنگۆى وەرگرتنى دوو هەزار کۆچبەرەوە ئاشکرا کرا

2021.11.22 - 09:58
App store icon Play store icon Play store icon
پەیامێکى ئەڵمانیا بۆ هەرێم لەبارەى دەنگۆى وەرگرتنى دوو هەزار کۆچبەرەوە ئاشکرا کرا

ناس کورد-

 

بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان، دەنگۆی وەرگرتنی 2000 کۆچبەر لە زاری وەزیرێکی ئەڵمانیا بە فەرمی ڕەتدەکاتەوە و دەڵێت” ئەو وەزیرە پێی وتین ئەو هەواڵە هیچ بنەمایەکی ڕاستی نییە".

کەناڵی ناس کورد لە تێلیگرام جۆین بکە   

 

سەفین دزەیی لەچاوپێکەوتنێکدا لەگەڵ دەنگى ئەمەریکا وتى” ئێمە لە گەڵ لایەنەکانی ئەوروپی دەمێکە باسی ئەوە دەکەین، ئەگەر بیانەوێت خەڵک ڕووییان تێ نەکات پێویستە هاوکاری هەرێمی کوردستان بکەن لە کۆمەڵێک بواردا، ئابوریی، پێشکەوتنی کۆمەڵگا، بابەتی ئاسایش تا خەڵک دووچاری دڵەڕاوکێ نەبێت".

 

وتیشى "کۆمەڵێک شتی تریش هەیە دەتوانن هاوکارمان بن تا خەڵک بیر لە چوونە دەرەوە نەکاتەوە، بەڵام لە هەمانکاتدا خەڵک خاوەنی بڕیاری خۆیەتی و بە پێی جاڕنامەی نەتەوە یەکگرتووەکان، هەموو کەس ئازادە لە سەفەرکردن. ”

 

سەفین دزەیی دەشڵێت ” ئەو خەڵکەی سەفەرییان کردووە بە ڕێگای فەرمی و بەڤیزای گەشتیاری کۆچیان بۆ بیلاڕوسیا کردووە، لەسەرەتاوە دیارە لەڕێگای تۆڕی قاچاخچی و مافیاکان لەسەرتاسەری کوردستان و وڵاتانی دەوروبەر و جیهان تۆڕێکی فراوانیان هەیە ئەو خەڵکەیان بە لاڕێدا بردووە بەوەی بردویاننەتە بیلاڕوسیا و پێیان وتون لەوێوە پاس چاوەڕێتان دەکات بەپاس دەگوازرێنەوە بۆ سنورەکانی پۆڵەندا، لەوێوێشەوە بەچەند ڕۆژێک دەبرێنە ئەڵمانیا یا هەر وڵاتێکی ئەندامی یەکێتی ئەوروپا، جگە لەوەی لە بونەتە قوربانی ململانێی نێوان بیلاڕوسیا و یەکێتی ئەوروپا، ئەو خەڵکانە هی نەتەوەی تریشن ئێمە زۆر پەرۆشین بۆیان. ”

 

دزەیی باسى لەوەشکرد، ”ئەو تۆڕە قاچاغچیەی هەیە، هەوڵی قۆستنەوەی دەرفەتەکانی داوە، بەڵام پاش ئەوەی حکومەتی عێراقی بڕیاری داخستنی کۆنسڵیەی فەخری لە بەغداد و هەولێر دا، ئەو تۆڕە قاچاغچیە پاسپۆڕتی هاوڵاتیەکانیان کۆدەکردەوە و دەیانبردە وڵاتانی دراوسێ بۆ وەرگرتنی ڤیزا، یاخود بە ڕێگای ترانزەیت لە ڕێگای ئیماراتەوە کۆچیان دەکرد".

 

ئەوەشى خستەڕوو "هەوڵێک لە ئارادایە لە نێوان هەولێر و بەغداد تا ئەو کەسانە دەستگیر بکرێن کە بە قاچاغ خەڵک دەبەنە وڵاتان، هەندێکیشیان دەستگیرکراون تا ئێستا لە هەرێمی کوردستان. ”