گه‌ڕان

Shadow Shadow
سیاسه‌تی

بەرپرسێکى دەست لەکارکێشاوەی گۆڕان: سەرکردە ناڕازییەکان نەگەڕێنەوە بڕیارى تر دەدەین

2021.11.21 - 17:40
App store icon Play store icon Play store icon
بەرپرسێکى دەست لەکارکێشاوەی گۆڕان: سەرکردە ناڕازییەکان نەگەڕێنەوە بڕیارى تر دەدەین

ناس کورد-

 

ئەندامێکی دەست لەکارکێشاوەی خانەی ڕاپەڕاندنی بزوتنەوەی گۆڕان ڕایدەگەیەنێت، ئەگەر سەرکردە ناڕازییەکان نەگەڕێنەوە بزوتنەوەکە بڕیارى دیکە دەدەن.

کەناڵی ناس کورد لە تێلیگرام جۆین بکە   

 

 سەفین مەلا قەرە (21  تشرینی دووەمی 2021)  لەلێدوانێکیدا بۆ دەنگى ئەمەریکا وتى "گۆڕان سەرقاڵی دروستکردنی دەستەیەکە بۆ ڕاپەڕاندنی کارەکانی، ماوەتەوە جڤاتی نیشتیمانی متمانە بەدەستەکە بدات."

 

سەفین مەلا قەرە پێیوایە هەستانەوەی بزوتنەوەی گۆڕان ئاسان نیە، بڕیاری قورس و ماندوبوونی دەوێت ودەڵێت "هەڵسوڕاوەکانی گۆڕان ماون، بەڵام دەنگدەری گۆڕان لە سیاسەتی ناڕازی بووە و نەچووە بۆ دەنگدان، دەبێت دەنگدەرەکان ئاشت بکرێنەوە و متمانەیان پێبدرێتەوە."

 

دەربارەی هەوڵەکانی گۆڕان بۆ ئاشتکردنەوەی سەرکردە ناڕازییەکان لەبزووتنەوەکە، سەفین مەلا قەرە دەڵێت "لەکۆبوونەوەی جڤاتدا، بڕیاردرا بەفەرمی سەردانی سەرکردە ناڕازیەکان بکرێت و تەکلیفی گەڕانەوەیان لێبکرێت، گەر نەگەڕانەوە، دواتر ڕایدەگەیەنین ئامادەی گەڕانەوە نین و بڕیاری تر دەدەین."

 

هەردوو جڤاتی نیشتیمانی و گشتی گۆڕان (17ی تشرینی دووەمی 2021) پڕۆژەی دروستکردنی دەستەی بەڕێوەبردنی بزوتنەوەکەیان پەسەندکرد، دواى دەستلەکارکێشانەوەى بەکۆمەڵى ئەندامانى خانەى راپەڕاندن بەهۆى شکستى بزوتنەوەکە لە هەڵبژاردنى پەرلەمانى عێراقدا.  

 

 

بەپێی راگەیەنراوێکى هاوبەشى هەردوو جڤاتەکە (17ی تشرینی دووەمی 2021) دەستەکە بۆ ماوەیەکی کاتی دروست دەکرێت و ئەرکەکانی بریتی دەبێت لە ئیدارەدانی بزوتنەوەکە و پێداچونەوە بە گوتاری سیاسی و میدیایی و ئامادەکاری بۆ ئەنجامدانی کۆنفرانسی نیشتیمانی. بۆ دیاریکردنی ئەندامانی ئەو دەستەیەش، هەر دو جڤات گروپێکی پێنج کەسیان ڕاسپارد کە هەستن بە ئەنجامدانی گفتوگۆی راستەوخۆ  لەگەڵ ئەو ھەڵسوڕاوە دیارانەی کە ئامادەن لە قۆناغی خۆڕێکخستنەوەی گۆڕاندا لە بزوتنەوەکەدا کار بکەن.