گه‌ڕان

Shadow Shadow
سیاسه‌تی

زانیاریی زیاتر

وەزارەتی رۆشنبیری ڕوونكردنەوە لەسەر كتێبێكی یاساغ دەدات لە سلێمانی

2021.11.20 - 19:31
App store icon Play store icon Play store icon
وەزارەتی رۆشنبیری ڕوونكردنەوە لەسەر كتێبێكی یاساغ دەدات لە سلێمانی

ناس کورد- 

وەزارەتی ڕۆشنبری و لاوانی هەرێم ڕایگەیاند، دوای نیگەرانی کەسوکاری ئەنفالکاراوان لە نمایشکردنی کتێبێک لە لەپێشانگای نێودەوڵەتی کتێب لەشاری سلێمانی بەناوی (سلطان هاشم، ذاكرة الحروب وٲسرارها) کە دیمانەیەکی درێژە لەگەڵ وەزیری بەرگریی عێراق لەسەردەمی ڕژێمی بەعسی لەناوچوو، کتێبەکە لەو وەشانخانەیە کۆکرایەوە. 

کەناڵی ناس کورد لە تێلیگرام جۆین بکە   

 

لە ڕوونکردنەوەیەکدا وەزارەتی ڕۆشنبری و لاوانی هەرێم (شەممە 20ی تشرینی دووەمی 2021) ڕایگەیاند، " لەلایەن یەکێتی نووسەرانی جینۆسایدی کوردستان، ئاگادارکراینەوە کە کتێبێک لەپێشانگای نێودەوڵەتی کتێب لەشاری سلێمانی نمایشکراوە  بەناوی (سلطان هاشم، ذاكرة الحروب وٲسرارها) کەدیمانەیەکی درێژە لەگەڵ وەزیری بەرگری عێراق لەسەردەمی ڕژێمی بەعسی لەناوچوو، دیمانەکە لەزینداندا لەلایەن د. علي السعدي سازدراوە."

 

ئاماژەی بەوەشکردووە، "لەدیمانەکەدا ئەوەی کەسوکاری ئەنفالەکانی نیگەرانکردووە، نکۆڵی سوڵتان هاشمە لەوەی ئەنفال لەدژی خەڵکی سیڤیلی کوردستان ئەنجامدرابێت، بەڵکو لەدژی هێزی پێشمەرگە بووە."

 

ئەوەشی خستووەتەڕوو، :پاش ئاگادارکردنەوەی تیمی وەزارەتمان لەپێشانگاکە، ئەمڕۆ کتێبەکە لەناو وەشانخانەی (دار القنادیل للنشر و التوزیع)  کۆکرایەوە."

 

لە ڕاگەیەنراوەکەدا ئەوەش هاتووە، "ئێمە لەوەزارەتی ڕۆشنبیری و لاوان وەک ئەرکی خۆمان بەرامبەر بە  مێژوو و فەرهەنگی گەلەکەمان ڕێگەنادەین هیچ شتێک کەمێژووی گەلەکەمان بشێوێنێت بڵاو بکرێتەوە." 



زیاتر بخوێنەرەوە: کتێبێک لە پێشانگای نێودەوڵەتی سلێمانی قەدەغەکرا