سەرۆکایەتییەکانى عێراق لەسەر تانە و سکاڵاکانى هەڵبژاردن کۆبوونەوە

ناس کورد-

سەرۆک کۆمار و سەرۆک وەزیران و سەرۆکى دەسەڵاتى دادوەرى عێراق کۆبوونەوە و جەختیان لەپێویستى یەکلاکردنەوەى سکاڵا و تانەکانى پەیوەست بەهەڵبژاردن کردەوە بەپێی یاسا.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى سەرۆکایەتى کۆمار (18ی تشرینی دووەمی 2021)، لەکۆبوونەوەکەدا کە لەکۆشکى بەغدا بەڕێوەچووە، بەرهەم ساڵح و مستەفا کازمى و فایەق زێدان دوایین پێشهاتەکانى دۆخى وڵاتیان تاوتوێکردووە لەناویاندا هەڵبژاردنى پێشوەختە.

  

بەشداربووانى کۆبوونەوەکە جەختیانکردەوە لەسەر پاراستنى رێڕەوى دیموکراسی و پابەندبوون بە چوارچێوە یاسایی و دەستورییەکان.

 

هەروەها پرسی دەستپێشخەرییەکیان تاوتوێکرد بۆ چارەسەرى قەیرانى ئێستا و پێکهێنانى حکومەتێکى کارا.