گه‌ڕان

Shadow Shadow
سیاسه‌تی

زانیاریی زیاتر

مونا قەهوەچی: پڕۆژەمان هەیە بۆ زیادکردنی کورسی کۆتاکان

2021.11.17 - 14:20
App store icon Play store icon Play store icon
مونا قەهوەچی: پڕۆژەمان هەیە بۆ زیادکردنی کورسی کۆتاکان

ناس کورد-

مونا قەهوەچی، سکرتێری پەرلەمانی کوردستان و ئەندامی فراکسیۆنی چاکسازی و پێشکەوتنی تورکمان  دەڵێت، "ئێمە وەک پێکهاتەی تورکمان پرۆژەمان دەبێت بۆ زیادکردنی کورسی کۆتا".

کەناڵی ناس کورد لە تێلیگرام جۆین بکە   

 

مونا قەهوەچی لە مەراسیمی ڕۆژی زمان و کولتووری تورکمان لە کۆنگرەیەکی ڕۆژنامەوانییدا پەیامێکی بڵاوکردەوە و (17ی تشرینی دووەمی 2021) ڕایگەیاند، "ئەمرۆ رۆژی زمانی کولتووری تورکمانییە، لەم بۆنەیەدا ئێمە سوپاسی سەرجەم ئەو حزب و لایەنە کوردستانیانە دەکەین کە هەمیشە پاڵپشت و هەماهەنگ بوون بۆ بەرقەرارکردنی پێکەوەژیان و دەستەبەرکردنی مافەکانمان، بەڵام لەلایەن هەندێک لە فراکسیۆنەکانی پەرلەمانی کوردستان بەپلان و بەرنامە و لە رێگای سۆشیال میدیاش کاری لەسەر کراوە، پرۆژە ئامادەکراوە بۆ کەمکردنەوەی کورسی کۆتایە".

 

قەهوەچی دەشڵێت، "ئێمە وەک پێکهاتەی تورکمان و کلدان و سریانی و ئاشووری و ئەرمەن، ئەم هەوڵە رەت دەکەینەوە، کورسی کۆتا بە یاسا رێکخراوە و لە پەرلەمانی کوردستان پەسەندکراوە و دەنگی پێدراوە، ئەمە شتێک نییە کە تەنیا بڕیارێک درابێت و بتوانن زۆر بەئاسانی ئەم کۆتایە کەم بکرێتەوە یان بسڕدرێتەوە، بە پێچەوانەوە ئێمە وەک پێکهاتەی تورکمان پرۆژەمان دەبێت بۆ زیادکردنی کورسی کۆتا".

 

مونا قەهوەچی ڕاشیگەیاند، "داواکارین لە هێز و لایەنە سیاسییەکانی کوردستان کاربکەن بۆ داهاتوو، بۆ هەڵبژاردنی ئەنجوومەنی نوێنەرانی عێراق هەماهەنگ و پاڵپشتمان بن لە هەنگاوەکانی پێکهاتەی تورکمان بۆ دابینکردنی کورسی کۆتا بۆ تورکمان لە ئەنجوومەنی نوێنەرانی عێراق کە ئەوە مافێکی رەوای خۆیەتی، تاوەکو ئێستا نوێنەری پێکهاتەی تورکمان لە پەرلەمانی عێراق لەسەر ئاستی هەرێمی کوردستان بوونی نەبووە، ئێمە لێرەوە لەبری کەمکردنەوەی کورسی کۆتا داوای زیادکردنی کورسی کۆتا دەکەین."

 

سکرتێری پەرلەمانی کوردستان، مونا قەهوەچی وتیشی، "داواش دەکەین پاڵپشتی پرۆژەکەمان بن نوێنەرەکانیان رابسپێرن دەنگ بدەن بە پرۆژەکەمان و پاڵپشتی هەنگاوەکانی پێکهاتەکانی تورکمان و کلدان و ئاشووری بن تاوەکو ئێمەش لەسەر ئاستی هەرێمی کوردستان خاوەنی کورسی بین لە ئەنجوومەنی نوێنەرانی عێراق".