گه‌ڕان

Shadow Shadow
سیاسه‌تی

زانیاریی زیاتر

سەدان کۆچبەر دەستگیرکران

2021.11.16 - 15:01
App store icon Play store icon Play store icon
سەدان کۆچبەر دەستگیرکران

ناس کورد- 

فدراسیۆنی سەراسەری پەنابەرانی عێراق ڕایگەیاند، لەماوەی سێ ڕۆژی ڕابردوودا سەدان کۆچبەر لە وڵاتی تورکیا دەستگیرکراون کە بەشێکیان عێراقین

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا فدراسیۆنی سەراسەری پەنابەرانی عێراق (سێشەممە 16ی تشرینی دووەمی 2021) ڕایگەیاند، "دوێنێ دووشەممە لەناوچەی بیتلیس سەر بەشاری وان  55 کۆچبەر لەناو بەشی هەڵگری جانتای پاسێکدا دەستگیرکران و ڕەوانەی بەشی کەمپی دیپۆرتکردنەوە کران و شۆفێری پاسەکەش دەستگیرکرا." 

 

ئاماژەی بەوەشکردووە، "هەروەها لە ناوچەی ئێپک یۆڵۆ 17 کۆچبەری ئەفغانی لەنێو دووکانێکی چۆلکراودا دەستگیرکران، هەروەها لەشاری وان لەناوچەی بیتلیس لەناو ئۆتۆمبێلێکی بارهەڵگردا 91 پەنابەری دیکەی ئەفغانی دەستگیرکران و ڕەوانەی کەمپی دیپۆرتکردنەوە کران و شۆفێری بارهەڵگرەکەش دەستگیرکرا." 

 

ئەوەشی خستووەتەڕوو، " لەناوچەی مەرماریس لەچەند کاتێکی جیاوازدا لە ناو شەش بەلەمی چوپدا 142 کۆچبەر دەستگیرکران کە بەلەمێکیان لەژێرئاوکەوتندابوو فریایان کەوتن پەنابەرەکانیش پێک هاتبوون لەپەنابەرانی ووڵاتانی ( عێراق، سوریا، بۆرما، سۆماڵ ) بەدەیان ژن و منداڵیش لەنیوانیاندا بوون لەگەڵ دەستگیرکردنی قاچاخچیەکی تورکیش." 

 

لە ڕاگەیەنراوەکەدا ئەوەش ڕوونکراوەتەوە، "لەماوەی سێ ڕۆژی ڕابردوودا  لەهەریەک لەناوچەکانی  چەشمێ،  دیکیلی، سەفیریهیسار سەر بەشاری ئەزمیر  234 کۆچبەر ڕزگارکران کە دوای گەیشتنیان بەسنورە دەریاییەکانی یۆنان دیپۆرتکرابوونەوە، هەروەها لەگەڵ دەستگیرکردنی 69 پەنابەر و سێ قاچاخچی لەکاتی بە ڕێککەوتنیان بەرەو دوورگەکانی یۆنان، لەنێوانیشیاندا دەیان ژن و منداڵیان تێدابوو."