گه‌ڕان

Shadow Shadow
سیاسه‌تی

زانیاریی زیاتر

سەعدی پیرە: پۆستی سەرۆک کۆمار یەکلایی کراوەتەوە

2021.11.16 - 10:03
App store icon Play store icon Play store icon
سەعدی پیرە: پۆستی سەرۆک کۆمار یەکلایی کراوەتەوە

ناس کورد- 

سەعدی ئەحمەد پیرە، ئەندامی مەکتەبی سیاسیی یەکێتی ڕایگەیاند، کۆبوونەوەکانی شاندی یەکێتی لە بەغدا ئەنجامی باشی هەبووە و دەشڵێت، پۆستی سەرۆک کۆمار یەکلایی بووەتەوە کە بۆ کوردە.

کەناڵی ناس کورد لە تێلیگرام جۆین بکە   

 

سەعدی ئەحمەد پیرە، ئەندامی مەکتەبی سیاسیی یەکێتی (سێشەممە 16ی تشرینی دووەمی 2021) بە "دەنگی ئەمەریکا"ی ڕاگەیاند، " بەدەنگی ئەمەریکای ڕاگەیاند، "سەردانی شاندەکەی یەکێتی بۆ بەغدا و زانیارییەکان لەسەر لایەنەکان و بۆچوونە جیاوازەکانیانی نێوان شیعەکان و بۆچونەکانیان لەسەر دانانی سەرۆک وەزیرانی عێراق و ئەنجامەکانی هەڵبژاردن و بەشداریکردن یاخود بەشدارینەکردن، هەروەها شێوەی گفتوگۆ هەمووی ئەنجامی باشی هەبووە." 

 

سەبارەت بەوەی لەگەڵ پارتیدا بەجیا چوونەتە بەغدا، سەعدی پیرە ئاماژەی بەوەکردووە، " پارتی و یەکێتی وەفدییان ناردووە بۆ وەرگرتن و ڕاوبۆچوون و زانیاری لایەنەکانە نەک گفتوگۆی دامەزراندنی حکومەت، بۆیە ئەمە ڕێگە ناگرێت لەوەی هەردوولا زۆر بەڕاشکاوی باسی پێکەوەیی بکەن بۆ بەغدا، دەتوانن بەجیاش وەفد بنێرن بۆ بەغدا بەپێچەوانەوە بۆچونێکی زۆرباشە بۆ کۆکردنەوەی زانیاری.”

 

هاوکات سەبارەت بە پۆستەکان، سەعدی پیرە دەڵێت، " هێشتا زووە بۆ ئەوەی باسی پۆستەکان بکرێت، بەڵام ئەوە یەکلایی بووەتەوە کە پۆستی سەرۆک کۆمار بۆ کوردە، هەرچەندە من زۆرم بۆ گرنگ نیە کە بە حەماسەوە باسی پۆستەکان بکەین، چونکە خەڵکی کوردستان کێشەی تری هەیە، ئێمە لە عێراق کێشەی ترمان هەیە و دەستور هێشتا بەتەواوی جێبەجێنەکراوە." 

 

لەبارەی ئەوەشی وەکو هەرێمی کوردستان لەو دووبەرەیەی شیعە کە لە ئێستادا لە عێراقدا هەیە (بەرەی سەدر و بەرەی هاوپەیمانی هەماهەنگی) لەکامیانەوە نزیکن؟سەعدی پیرە ئامائەی بەوەکردووە، " لە عێراقدا وەک عورفی لێهاتووە کە پۆستی سەرۆک وەزیران بۆ شیعەکان بێت، ئێمە چاوەڕێین لایەنە شعەکان پاش گفتوگۆی خۆیان بگەنە ڕێککەوتن ڕێز لە بۆچونی یەکگرتوویان دەگرین، دواتریش هێشتا گفتوگۆی جدی پێکهێنانی حکومەت دەستی پێ نەکردووە، چونکە هێشتا ئەنجامەکانی کۆتایی هەڵبژاردن لەلایەن دادگای فیدراڵییەوە پەسەند نەکراوە.”