گه‌ڕان

Shadow Shadow
سیاسه‌تی

بزانە چی دەڵێت

ڕێواز فایەق: ئاگاداری داهاتی هەرێمی کوردستان نیم

2021.11.15 - 15:08
App store icon Play store icon Play store icon
ڕێواز فایەق: ئاگاداری داهاتی هەرێمی کوردستان نیم

 ناس کورد- 

سەرۆکی پەرلەمانی کوردستان ڕایگەیاند، داهاتی نەوت مانگانە 900 ملیۆن دۆلارە، بەڵام تەنها 350 ملیۆن دۆلار دەچێتە خەزێنەی وەزارەتی دارایی، دەشڵێت، وەکو سەرۆکی پەرلەمان ئاگاداری داهاتی کوردستان نییە و هێشتا نازانێت بڕێکی زۆر لە پارەی نەوت چی بەسەر دێت.

 

کەناڵی ناس کورد لە تێلیگرام جۆین بکە   

 

ڕێواز فایەق، سەرۆکی پەرلەمانی کوردستان لە چاوپێکەوتنێکی لەگەڵ ژمارەیەک لە دەزگاکانی ڕاگەیاندن ڕایگەیاندووە، "بەپێی ئەو ژمارە و بەدواداچوونانەی هەن، داهاتی نەوت لە مانگێکدا 900 ملیۆن دۆلارە بەڵام تەنیا 350 ملیۆن دۆلاری دەچێتە خەزێنەی وەزارەتی دارایی".

 

ئاماژەی بەوەشکردووە، "بەپێی راپۆرتی دیلۆیت دەزانن چەند لەو داهاتە بۆ خەرجی کۆمپانیاکانی نەوت دەڕوات و چەند بۆ قەرزی کۆمپانیاکان، بەڵام دەڵێت من وەکو سەرۆکی پەرلەمان ئاگاداری داهاتی کوردستان نیم و هێشتا نازانین بڕێکی زۆر لە پارەی نەوت چی بەسەر دێت. " 

 

باسی لەوەشکردووە، "ئەو داهاتەی دەچێتە وەزارەتی دارایی ئاگادارین، چونکە هەم وەزیری دارایی دێتە پەرلەمان و پێمان دەڵێت و هەم لیژنەی دارایی دەچنە لای وەزیر و وردەکارییان پێدەڵێن، بەڵام لە دەرەوەی وەزارەتی دارایی، نازانین داهات چەندە".