گه‌ڕان

Shadow Shadow
سیاسه‌تی

زانیارى زیاتر

ئەڵمانیا لەسەر وەرگرتنى کۆچبەرانى بیلاروسیا هاتەدەنگ

2021.11.14 - 21:20
App store icon Play store icon Play store icon
ئەڵمانیا لەسەر وەرگرتنى کۆچبەرانى بیلاروسیا هاتەدەنگ

ناس کورد-

ئەڵمانیا رایگەیاند، ئەو دەنگۆیانە راست نیە کە باس لەوەدەکەن کۆچبەرانى سنورى بیلاروسیا و پۆڵەندا بە پاس بگوازرێنەوە بۆ وڵاتەکەى.

کەناڵی ناس کورد لە تێلیگرام جۆین بکە   

 

وەزارەتى دەرەوەى ئەڵمانیا لە تویتێکدا (یەکشەممە 14ی تشرینی دووەمی 2021) نوسیویەتى، ئەو کەسانەى ئەو جۆرە دەنگۆیانە بڵاودەکەنەوە کۆچبەران دەخەنە مەترسییەوە.

 

ئەو دەنگۆیانەی باس لەوە دەکەن، گوایە ئەڵمانیا پاسی ناردوون بۆ هێنانی خەڵکی لە #بێلاروسیاوە لە ڕێی #پۆلۆنیا راست نین. ئەوەی لەم جۆرە درۆیانە بڵاو دەکاتەوە، خەڵکی دەخاتە مەترسییەکی ناحەوجێ. #RumoursAboutGermany pic.twitter.com/Y9dreFYpOL

— GermanForeignOffice (@GermanyDiplo) November 14, 2021

ماوەی چەند مانگێکە کۆچکردن لەڕێگەی بیلاڕووسیا و لەوێوە بۆ پۆڵەندا و گەیشتن بە وڵاتانی ئەوروپا بووەتە دیاردە و لەئێستاشدا بە هەزاران کۆچبەر لە سنوری ئەو وڵاتە کۆبوونەتەوە کە بەشێکی زۆریان کوردن.     

  

یەکێتی ئەوروپا بیلاڕووسیا تۆمەتبار دەکات بە بەکارهێنانی کۆچبەران بۆ مەرامی سیاسی خۆی و بەکارهێنانیان دژی وڵاتانی ئەوروپا کە سزایان خستووەتەسەر ئەو وڵاتە.

 

حکومەتى پۆڵەندا (یەکشەممە 14ی تشرینی دووەمی 2021) لەبەیاننامەیەکدا کە دەست "ناس کورد" کەوتووە رایگەیاند، هەندێ دەنگۆ لەناو کۆچبەران بڵاوبووەتەوە لەبارەى گواستنەوەى کۆچبەران بە پاس لە 15 ى مانگەوە بۆ ئەڵمانیا و رێگەدانى دەسەڵاتدارانى پۆڵەدا بە تیپەڕاندنى سنور.  

  

ئاماژەى بەوەشکردووە، ئەو دەنگۆیانە ناڕاستن، سنور بەپارێزراویی و بەهێز دەمێنێتەوە، ئەو دەنگۆیانە دەبنە هۆى هاندانى کۆچبەران تا بەلێشاو بچنە سنورى پۆڵەندا.