گه‌ڕان

Shadow Shadow
سیاسه‌تی

نوێ

دادگای فیدڕاڵی چەند بڕگەیەکی یاسای هەڵبژاردنی هەڵوەشاندەوە

2021.11.14 - 13:08
App store icon Play store icon Play store icon
دادگای فیدڕاڵی چەند بڕگەیەکی یاسای هەڵبژاردنی هەڵوەشاندەوە

ناس کورد- 

دادگای فیدڕاڵی عێراق چەند بڕگەیەکی یاسای هەڵبژاردنی هەڵوەشاندەوە و بەگوێرەی گۆڕانکارییەکان، هەر پەرلەمانتارێک سوێندی یاسایی نەخوات مەرج نییە کاندیدێک لە هەمان لیست لەجێگەی بچێتە پەرلەمان.

کەناڵی ناس کورد لە تێلیگرام جۆین بکە   

 

بەگوێرەی ڕاگەیەنراوێکی دادگای فیدڕاڵی عێراق (یەکشەممە 14ی تشرینی دووەمی 2021) دادگاکە چەند گۆڕانکارییەکی لە یاسای هەڵبژاردنەکاندا کردووە. 

 

بەگوێرەی گۆڕانکارییەکان، هەر پەرلەمانتارێک سوێندی یاسایی نەخوات و نەچێتە پەرلەمان لە لیستەکەی خۆی کەس ناتوانێت بچێتە جێگەی، بەڵکو لەو بازنەیەی کاندیدەکەی تێدا بووە چ کاندیدێکی دیکە زۆرترین دەنگی هێنابێت و سەرنەکەوتبێت ئەوە دەچێتە جێگەی. 

 

دادگای فیدڕاڵی جەختیشی کردووەتەوە، کاندیدە براوەکان دەبێت لەدوای یەکەم دانیشتنی پەرلەمان لەماوەی مانگێکدا سوێندی یاسایی بخۆن، بەپێچەوانەوە، ئەو کاندیدە سەرنەکەوتووەی لە بازنەکەی خاوەنی زۆرترین دەنگی سەرنەکەوتووەکانە دەچێتە جێگەی. 

 

بەپێی هەموارەکەی دادگای فیدڕاڵی، براکەی ڕاکان جبوری، پارێزگاری بەوەکالەتی کەرکوک ناتوانێت لەجێگەی ڕاکان جبوری بچێتە پەرلەمان، وەک باس دەکرێت.