گه‌ڕان

Shadow Shadow
سیاسه‌تی

پۆلیس وردەکاریی فێڵکردنی دوو تۆمەتباری لە هاووڵاتیان ئاشکراکرد

2021.11.13 - 23:47
App store icon Play store icon Play store icon
پۆلیس وردەکاریی فێڵکردنی دوو تۆمەتباری لە هاووڵاتیان ئاشکراکرد

ناس کورد- 

بەڕێوەبەرایەتی پۆلیسی ڕاپەڕین دەستگیرکردنی دوو تۆمەتباری بە تۆمەتی فڵێکردن لە هاووڵاتیان ڕاگەیاند و وردەکاریی فێڵەکەشیانی ئاشکراکردووە.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی پۆلیسی ڕاپەڕین (شەممە 13ی تشرینی دووەمی 2021) ڕایگەیاند، " چەند هاووڵاتییەك سەردانی بنڪەی پۆلیسی ڕزگاری یان ڪرد بە مەبەستی تۆمار ڪردنی سڪاڵا ڪە بە ووتەی خۆیان چەند تۆمەتبارێك فێڵیان لێڪردوون بڕێك پارەیان بە بڕی جیا جیا بە فێڵ لێ وەرگرتوون." 

 

ئاماژەی بەوەشکردووە، دوای کردنەوەی مەلەفی لێکۆڵینەوە توانیان لە ماوەیەڪی ڪەمدا دوو تۆمەتبار دەستگیر بڪەن بە ناوەڪانی (ئ، ف، ڕ) هەروەها (ڪ، ع، ش) و تۆمەتباران لەبەردەمی دادوەر و پۆلیسدا دانیان ناوە بە تاوانەڪانیان ڪە بەیەڪەوە فێڵیان لە چەند هاووڵاتییەك ڪردووە بە نیازیش بوون فێڵ لە چەند ڪەسی تر بڪەن.

 

ئەوەش هاتووە، "تۆمەتباران بە شێوازێك تاوانی فڵڪردنەڪانیان ئەنجامداوە ڪە بۆ هەر جارێك یەڪێك لە تۆمەتبارەڪان تەلەفۆنی بۆ ئۆتۆمبیلێڪی بارهەڵگر دەڪرد و داوای لێدەڪرد ڪە هەندێك ڪەلوپەلی ناو ماڵی بۆ بگوازێتەوە، ئینجا ناوی شوێنێڪی نادروستی بە شۆفێرەڪە دەدا، لەگەڵ بەدەست هێنانی متمانە لای شۆفێرەڪە هەر ئەو تۆمەتبارەی ڪە تەلەفۆنی بۆ شۆفێری بارهەڵگرەڪە دەڪرد تۆمەتبارێڪی تری ڕادەستپارد لە شوێنێک چاوەڕێی شۆفێری بارهەڵگرەڪە بڪات، ئینجا هەر ئەو تۆمەتبارەی ڪە یەڪەم جار تەلەفۆنی بۆ شۆفێرەڪە ڪردووە دووبارە داوای لە شۆفێرەڪە دەڪرد ڪە بڕێك پارە بدات بەو ڪەسەی ڪە لەسەر ڕێگا چاوەڕێی دەڪات لەبەرامبەر ئەوەی ڪە ڪەلوپەلێڪی ئۆتۆمبیلی بۆ بهێنێت، بەڵام لە ڕاستیدا ڪەلوپەلەڪە لەڪارڪەوتوو بوو و هیچ بەهایەڪی نەبوو، ئەمەش دوای وەرگرتنی پارەڪە دواتر تۆمەتبارەڪان تەلەفۆنەڪانیان لەڪار دەخست." 

 

پۆلیسی ڕاپەڕین دەڵێت، "تۆمەتبارەکان بۆ چەندین جار هەر هەمان ئەو شێوازی فێڵڪردنەیان بەڪار هێناوە بەرامبەر بە چەند شۆفێرێڪی تری ئۆتۆمبیلی بار هەڵگر."