گه‌ڕان

Shadow Shadow
سیاسه‌تی

نوێ

بەڤیدیۆ؛ هەواڵی نوێ لەبارەی وەرگرتنی کۆچبەران لەلایەن ئەڵمانیاوە

2021.11.13 - 18:52
App store icon Play store icon Play store icon

ناس کورد- 

کۆچبەرانی سنوری بیلاڕووسیا و پۆڵەندا ڕایانگەیاند کە جارێکیتر پۆلیسی سنوری پۆڵەندا پێیان وتوون، ڕۆژی دووشەممە سنوریان بۆ دەکەنەوە و دەگەنە ئەڵمانیا.

کەناڵی ناس کورد لە تێلیگرام جۆین بکە   

 

بەگوێرەی ئەو گرتە ڤیدیۆییانەی کە کۆچبەرانی کورد لە سنوری پۆڵەندا (شەممە 13ی تشرینی دووەمی 2021) بڵاویانکردووەتەوە، تیایدا دەڵێن، پۆلیسی پۆڵەندا پێیان وتوون، ڕۆژی دووشەممە 15ی تشرینی دووەمی 2021، پاسی ئەڵمانیا دێن بەشوێنیاندا و دەیانبەنە ئەڵمانیا. 

 

لە گرتە ڤیدیۆکاندا دەردەکەوێت کە کۆچبەران زۆر دڵخۆشن بەو هەوآڵە و چەپڵە لێدەدەن. 

 

ئەوەش لەکاتێکدایە، دوێنێ هەینیش، ئەو کۆچبەرانە ڕایانگەیاند، پاسەوانانی سەر سنور پێیان وتوون، دەکشێنەوە  و ڕۆژی دووشەممە 15ی تشرینی دووەمی 2021، ڕێگەیان پێدەدرێت بچنە وڵاتی پۆڵەندا و لەوێشەوە بەرەو ئەڵمانیا بچن. 

 

لەگەڵ ئەو هەواڵانەدا کە لەلایەن پاسەوانانی سنوری پۆڵەندا بە کۆچبەران دەدرێت، بەڵام تاوەکو ئێستا نە حکومەتی پۆڵەندا و نە ئەڵمانیاش ئەوەیان بە فەرمی ڕانەگەیاندووە.