گه‌ڕان

Shadow Shadow
سیاسه‌تی

زانیاریی زیاتر

تەندروستیی سلێمانی: بەڕێوەبەرێکی وەزارەتی دارایی هۆکارە بۆ کەمیی دەرمان

2021.11.13 - 13:38
App store icon Play store icon Play store icon
تەندروستیی سلێمانی: بەڕێوەبەرێکی وەزارەتی دارایی هۆکارە بۆ کەمیی دەرمان

ناس کورد-

بەڕێوەبەری تەندروستیی سلێمانی ڕایگەیاند، كێشەی كەمیی دەرمان بەهۆی بڕیاری بەڕێوەبەرێكی وەزارەتی داراییەوەیە كە تەنها 5%ی شایستەی دارایی كۆمپانیاكانی دابینكردنی دەرمان خەرجبكرێت، ئەوەش وایكردوە كۆمپانیاكان ئامادەنین دەرمانمان بۆ دابین بكەن.

کەناڵی ناس کورد لە تێلیگرام جۆین بکە   

 

سەباح هەورامی بە میدیای فەرمی یەکێتی (13ی تشرینی دووەمی 2021) ڕاگەیاند، ژمارەی توشبوون بەنەخۆشی شەكرە لەسنوری سلێمانی زۆر زیادیكردوەو ساڵانە هەزار توشبووی نوێی تۆمار دەكرێت.


وتیشی، هۆكاری زیادبوونەكە بۆ شێوازی ژیانی خەڵك گۆڕاوەو كێشەكانی ئابوری و خێزانی و چەندین كێشەی تر كە هۆكاری سەرەكین بۆ توشبوون بەشەكرە، هەروەها زیادبونی ژمارەی پشكنیشیش وایكردوە خەڵك بزانێت توشی شەكرەكە بووەو ژمارەكە زیاتر بێت.


بەڕێوەری تەندروستی سلێمانی لەبارەی كێشەی كەمیی دەرمان و پێداویستی پزیشكیش رایگەیاند، رۆژ بەڕۆژ پێویسیتمان بەزیادبوونی دەرمانی هەیە بەتایبەت دەرمانی شەكرە كە گۆڕانكاری بەسەردا دێت و ئەوانەشی كە نرخیان گرانە.


وتیشی، لەسەرەتای ئەمساڵدا بڕیارێك لەلایەن بەڕێوەبەرێكی وەزارەتی داراییەوە دەرچووە كە كۆمپانیاكانی بواری دابینكردنی دەرمان مانگانە تەنها 5%ی شایستە داراییەكانیان بۆ خەرجبكرێت، واتە ئەگەر كۆمپانیایەك لەمانگێكدا بەبڕی 100 ملیۆن دینار دەرمانی بۆ دابینكردبین، ئەوا بە 20 مانگ دەتوانرێت پارەكە وەربگرێتەوە، بۆیە بۆ هەر مانگێك پێویستمان بەوەندەیە، ئەوەش وایكردوە كامۆپانیاكانی دابینكردنی دەرمان ئامادەنین دەرمان بۆ تەندروستی سلێمانی دابین بكەن، ئەگەر كێشەكە چارەسەر نەكرێت ئەوا لەهەفتەكانی داهاتوودا خزمەتگوزاری تەندروستی دادەبەزێت.