گه‌ڕان

Shadow Shadow
سیاسه‌تی

ڕووداوەکە چۆن ڕوویدا

وردەکاریی خنکانی دیلانی 25 ساڵ لە دەریای ئیجەدا

2021.11.12 - 14:17
App store icon Play store icon Play store icon
وردەکاریی خنکانی دیلانی 25 ساڵ لە دەریای ئیجەدا

ناس کورد- 

هاوسەری ئەو ژنە کوردەی شەوی ڕابردوو لە دەریای ئیجەدا خنکا باس لە ساتی ڕوودانی ڕووداوەکە دەکات و دەڵێت، کچێکیان هەیە نەخۆشی تالاسیمای هەیە و بۆ چارەسەری ئەو ویستویانە بچنە ئەوروپا.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا دەزگای لوتکە بۆ کاروباری پەنابەران (هەینی 12ی تشرینی دووەمی 2021) وردەکاریی ژێرئاو کەوتنی بەلەمێکی کۆچبەرانی بە 12 کەسەوە و خنکانی دیلان یوسفی تەمەن 25 ساڵی خەڵکی شاری هەولێری بڵاوکردەوە.



بەگوێرەی ڕاگەیەنراوەکە، لە پەیوەندیەکی تەلەفونی "هۆشەنگ ئەیوب"ی تەمەن 32 ساڵ هاوسەری دیلان یوسف بە دەزگای لوتکەی ڕاگەیاندووە، "سەرەتا ئێمە کاتژێر 02:00 بە بەلەمێک لە ئیزمیر دەرچووین کە 12 کەسی تێدابوو و هەموومان کورد بووین، کوردی رۆژهەڵاتی کوردستان، باشووری کوردستان و رۆژئاوای کوردستان؛ دەرچووین بۆئەوەی بگەینە لای یەختێک لە ناوچەی دیدەم، بەڵام هەر چەند مەترێکی کەم بەلەمەکە رۆیشت و بەهۆی ئەوەی ماتۆڕەکەی خراپ بوو، یەکسەر وەرگەڕا." 

 

ئاماژەی بەوەشکردووە، " کچەکەم لە باوەشدا بوو، چەند جارێک بانگی هاوژینەکەم کرد و وتی باشم، ئێمە رزگارمان بوو، بەڵام دوایی هاوژینەکەم نەبینی و زانیم لە ئاوەکەدا خنکاوە".

 

هۆشەنگ بە قوڕگی پڕ لە گریانەوە باسی لەوەشکردووە، "لەگەڵ دیلان پێنج ساڵ لەمەوبەر ژیانی هاوسەریمان پێکهێنابوو، خاوەنی منداڵێکی کچیین بەناوی لیا کە بەداخەوە نەخۆشی تالاسیمیای هەیە، ڕۆیشتنی ئێمەش لەبەر چارەسەری ئەو بووە، چەند جارێک داوای فیزام لەحکومەت کردووە، بەڵام بەداخەوە وەڵامیان نەداینەوە.

 

دەزگای لوتکە دەڵیت، "وابڕیارە دوای تەوابوونی کاروباری یاسایی ئەمڕۆ تەرمی (دیلان یوسف) لەلایەن نوێنەرایەتی دەزگای لوتکە لە تورکیاوە بەڕێبکرێت بەرەو هەرێمی کوردستان."