گه‌ڕان

Shadow Shadow
سیاسه‌تی

کەشوهەوا

پێشبینییەکان بۆ شەپۆلی باران و بەفربارین؛ پلەی گەرما دەگاتە ژێر سفر

2021.11.12 - 13:23
App store icon Play store icon Play store icon
پێشبینییەکان بۆ شەپۆلی باران و بەفربارین؛ پلەی گەرما دەگاتە ژێر سفر

 

ناس کورد-

 

بەگوێرەی سەرچاوە کەشناسییەکان، ئەمشەو کۆتایی بەو شەپۆلی بەفر و بارانبارینە دێت کە لە دوێنێوە هەرێمی کوردستانی گرتووەتەوە، بەڵام پلەکانی گەرما دەگەنە ئاستی بەستنی ئاو، ئەوەش تاوەکو سبەینێ بەردەوام دەبێت و لە سبەینێوە کەمێک پلەکانی گەرما بەرزدەبنەوە.

 

کەناڵی ناس کورد لە تێلیگرام جۆین بکە   

 

 

 

 

لە ڕاگەیەنراوێکدا ئاراس جەبار، شارەزای کەشناسی (هەینی 12ی تشرینی دووەمی 2021) ڕایگەیاند، " لە کاتەکانی ئەمشەو بەدواوە کاریگەری ناوچەیەکی پەستان بەرز لەباکوری وڵاتی ئێرانەوە کاردەکاتەوە سەرناوچەکانی ھەرێم ئاسمان بە زۆری دەگۆرێت بۆ ساماڵ و کۆتایی بە کاریگەری ئەم شەپۆلە بەفر و بارانە دێت." 

 

ئاماژەی بەوەشکردووە،" سبەی شەممە ئاسمانی ھەرێم ساماڵ دەبێت و بەرزترین پلەکانی گەرما بەرێژەی ٣ تا ٧ پلەی سیلیزی بەرزدەبێتەوە نزمترین بە جێگیری دەمێنێتەوە، بەرزترین پلەکانی گەرما بەم شێوەیە دەبێت لەسەنتەری پارێزگاکانی ھەرێم ( سلێمانی ١٨ پلە، ھەولێر ٢١ پلە، دھۆک ٢٠ پلە، ھەڵەبجە ١٩ پلە، کەرکوک ٢٢ پلە ) لەناوچەکانی گەرمیان لە نێوان ٢٣ بۆ ٢٤ پلە دەبێت لە سنوری ئیدارەی راپەرین لەنێوان ١٨ بۆ ١٩ پلە دەبێت." 

 

ئەوەشی خستووەتەڕوو، " خێرایی با لە ئاراستەی باکوری رۆژھەڵاتەوە بەشێوەی رەشەبا و وشکە سەرما لەناوچەکانی رۆژھەڵاتی ھەرێم سنوری پارێزگای سلێمانی و ئیدارە راپەرین چالاکی بەردەوام دەبێت بەتایبەت ناوچە شاخاوییەکان بە خێرایی ٢٠ تا زیاتر لە ٣٥کیلۆمەتر لە کاتژمێرێکدا." 

 

بەگوێرەی پێشبینییەکانی ئەو کەشناسە، "کاتەکانی ئەمشەو بۆ بەرەبەیانی سبەی لە زۆربەی ناوچە شاخاوییەکاندا پلەکانی گەرما نزمدەبنەوە بۆ سفر و ژێر سفر پلەی سەدی بەستنی ئاو بەتایبەت سنورە شاخاوییەکانی رۆژھەڵاتی پارێزگای ھەولێر و سلێمانی و ھەڵەبجە و ئیدارەی راپەرین." 

 

باسی لەوەشکردووە، "کاریگەری ئەو رەشەبا کە چالاکبووە لە ئاراستەی باکوری رۆژھەڵاتەوە تا بەرەبەیانی رۆژی یەکشەممە ١٤-١١-٢٠٢١ بە خێرایی ٢٠ تا ٣٥کم/س بەردەوامی دەبێت و لەپێش نیوەرۆی رۆژی دووشەممەوە کەم دەبێتەوە و کۆتایی پێدێت."