گه‌ڕان

Shadow Shadow
سیاسه‌تی

’’ئاسانکاریی دەکەن’’

ئاگادارییەک لە پاسپۆرتی سلێمانییەوە بۆ ئەو کەسانەی دەیانەوێت کۆچ بکەن

2021.11.11 - 17:57
App store icon Play store icon Play store icon
ئاگادارییەک لە پاسپۆرتی سلێمانییەوە بۆ ئەو کەسانەی دەیانەوێت کۆچ بکەن

ناس کورد- 

بەڕێوەبەرایەتی پاسپۆرتی سلێمانی هاووڵاتیانی هەرێمی کوردستان ئاگاداردەکاتەوە بۆ ئەوەی هاووڵاتیان توشی نەھامەتی و برسێتى و ئازار نەبنەوە لە کاتی گەشتکردنیان بۆ ووڵاتانی ئەوروپا سەرقاڵی بەرنامەیەکە بۆ ئەو مەبەستە بۆ گەشتکردن بەشێوەیەکی یاسایی.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی پاسپۆرتی سلێمانی (پێنجشەممە 11ی تشرینی دووەمی 2021) ڕایگەیاند، "ھاووڵاتیانی خۆشەویستى هەرێمى کوردستان سەبارەت بە چۆنیەتی پێدانی ڤیزاى (گەشتیاری، نەخۆشی، خوێندن ...ھتد) کە لە ڕێکەوتی (٢٠٢١/١١/١٠) پۆستێکمان بڵاوکردەوە، بۆ زیاتر بەرچاو ڕوونی ھاووڵاتیان تاکو توشی نەھامەتی و برسێتى و ئازار نەبنەوە لە کاتی گەشتکردنیان بۆ وڵاتانی ئەوروپا لە ئێستادا بەڕێوبەرایەتیمان سەرقاڵی خۆئامادەکردنی بەرنامەیە بۆ ئەم مەبەستە." 

 

ئاماژەی بەوەشکردووە، " لە ڕۆژانی داھاتوو بەم نزیکانە لە ھەموو ڕێنمایی و زانیاريیەکانی تایبەت بە پێدانی ڤیزاى ووڵاتانی ئەوروپا ب ەھاووڵاتیانی ھەرێمی کوردستان بڵاو دەکەینەوە." 

 

پێشتر بەرێوەبەرایەتى پاسپۆرتى سلێمانى چوارشەممە (10ی تشرینی دووەمی 2021) لە ئاگادارییەکدا ئاماژەى بەوەکردبوو، لەڕێگەی پەڕەی تایبەت بەخۆی لەتۆڕی کۆمەڵایەتی فەیسبووک، ڕێگا یاساییەکانی وەرگرتنی ڤیزای گەشتیاری، ڤیزای کارکردن، ڤیزای نەخۆشی و چەند جۆرێکی دیکە لەڤیزا بڵاودەکاتەوە.  

  

دەقى ئاگادارییەکە:  

  

بەڕێوەبەرایەتی پاسپۆرتی سلێمانی لەڕێگەی هەڵمەتێکی میدیاییەوە هاوکار و ڕێنیشاندەری هاوڵاتییانی خۆشەویست دەبێت، بۆئەوەی بەڕێگەیەکی یاسایی کۆچ بۆ وڵاتانی ئەوروپا بکەن، نەک ڕێگەی مەرگەسات و قاچاخ و نایاسایی بگرنەبەر.  

  

بەڕێوەبەرایەتی پاسپۆرتی سلێمانی لەڕێگەی پەڕەی تایبەت بەخۆی لەتۆڕی کۆمەڵایەتی فەیسبووک، ڕێگا یاساییەکانی وەرگرتنی ڤیزای گەشتیاری، ڤیزای کارکردن، ڤیزای نەخۆشی و چەند جۆرێکی دیکە لەڤیزا بڵاودەکاتەوە.  

  

ئامانجمان لەم هەڵمەتە ئەوەیە هاوڵاتییان بەڕێگایەکی سەلامەت و یاسایی کۆچبکەن، بۆئەوەی خۆیان و خێزانەکانیان دووربن لە مەترسییەکانی ڕێگای کۆچی نایاسایی.  

  

لێرەوە داوا لە ھەر کەسێکی بە ئەمەک و دڵسۆز دەکەین، کە دیمەنی ژن و منداڵ و گەنج و پیرەکانی ڕێگای کۆچ ناخی هەژاندوون، هاوکارمانبن لەم هەڵمەتەدا، بۆئەوەی چیتر هاوڵاتییان کورد لەو ڕێگایە نەبنە قوربانی و ڕێگری لەو نەهامەتییە بکەین.  

  

بەڕێوەبەرایەتی پاسپۆرتی سلێمانی