گه‌ڕان

Shadow Shadow
سیاسه‌تی

زانیاریی زیاتر

ئەلعەرەب: ئەنجامدەرانی هێرشەکەی سەر ماڵی کازمی لەگەڵ قائانیدا دەرچوون

2021.11.10 - 14:30
App store icon Play store icon Play store icon
ئەلعەرەب: ئەنجامدەرانی هێرشەکەی سەر ماڵی کازمی لەگەڵ قائانیدا دەرچوون

ناس کورد-

ڕۆژنامەی ئەلعەرەبی چاپی لەندەن بڵاوی كردەوە، زۆربەی ئاماژە و بەڵگەكان لەسەر ئەوەن كەتیبەكانی حیزبوڵڵا و بزوتنەوەی عەسایب لە پشت هێرشكردنە سەر ماڵی كازمی بن بۆ تیرۆركردنی و بەپێی خەمڵاندنە ئەمنییەكانیش ئەنجامدەران هەڵهاتوون بۆ ئێران و دووانیشیان لەگەڵ قائانی چوون بەو دیوی سنوردا.

کەناڵی ناس کورد لە تێلیگرام جۆین بکە   

 

ڕۆژنامەكە لە ڕاپۆرتێكدا (10ی تشرینی دووەمی 2021) كە "ناس كورد" بینیویەتی باس لەوە دەكات، لە دوا كۆبوونەوەی لایەنە شیعەكان لەماڵی عەبادی، كازمی پێداگریی لە لێپێچینەوە كردووە لەگەڵ ئەو دوو گروپەی تێوەگلاون لە هێرشەكان، بەڵام سەركردەكانیان باسیان لەوەكردووە پاڵنەرەكان شەخسین و بەفەرمانی گروپەكانیان نەیانكردووە.

 

زیاتر بخوێنەوە: ناوەڕۆکی ئەو پەیامەی کازمی ’’بە زمانێکی توند’’ گەیاندییە قائانی و میلیشیاکان

 

بەگوێرەی راپۆرتی رۆژنامەكە لایەنە شیعەكانی "چوارچێوەی هەماهەنگی" دەیانەوێت هێرشەكەی سەر ماڵی كازمی پەیوەست بكەنەوە بە كوژرانی خۆپیشاندەرەكانیان لە ئێوارەی هەینی لە بەردەم ناوچەی سەوز بۆ ئەوەی ببنە كەیسی بەرامبەر و دواتر بگەڕێنەوە بۆسەر ئەنجامەكانی هەڵبژاردن كە پێیان وایە تەزویرە.

 

چەند سەرچاوەیەكی ئەمنی عێراقییش ئەوەیان بە رۆژنامەكە ڕاگەیاندووە بەرپرسانی راستەوخۆی هێرشەكان هەڵهاتوون بۆ ئێران و دووان لەوانەش لەگەڵ قائانی عێراقیان بە جێهێشووە.

 

هەر لەم بارەیەشەوە تاری حمەید، سەرنوسەری پێشووی رۆژنامەی شەرقولئەوسەتی لەندەنی لە وتارێكدا (10ی تشرینی دووەمی 2021) باس لەوە دەكات بیستوویانە هێرشەكە بە فرمانی ئەفسەرێك كراوە لە سوپای پاسداران كە پلەی نزمترە لە قائانی و بەبێ گەڕانەوە بۆ ئەو كردوویەتی.