گه‌ڕان

Shadow Shadow
سیاسه‌تی

ئەنجومەنی وەزاریی ئاسایشی نیشتمانی: ئەوەی گومانی وابێت دەستی هێزەکانمان نایگاتێ وڕێنە دەکات

2021.11.07 - 12:25
App store icon Play store icon Play store icon
ئەنجومەنی وەزاریی ئاسایشی نیشتمانی: ئەوەی گومانی وابێت دەستی هێزەکانمان نایگاتێ وڕێنە دەکات

ناس کورد-

ئەنجومەنی وەزاریی ئاسایشی نیشتمانیی عێراق ڕایگەیاند، "ئەو هێرشە تیرۆرستییە ترسنۆکانەی شەوی ڕابردوو ماڵی کازمی کردە ئامانج، بە ئامانجگرتنێکی مەترسیدارە بۆسەر دەوڵەتی عێراق لەسەر دەستی گروپە چەکدارییە تاوانکارییەکان."  

کەناڵی ناس کورد لە تێلیگرام جۆین بکە   

 

ئەنجومەنەکە لە ڕاگەیەنراوێکدا (7ی تشرینی دووەمی 2021) دەڵێت، "گروپە تاوانکارییەکان دانبەخۆداگرتن و کاری پیشەیی باڵای هێزە ئەمنی و سەربازییەکانیان بە لاوازی خوێندووەتەوە بۆیە دەستدرێژییان کردووەتە سەر دەوڵەت و ڕەمزەکانی."

 

باسی لەوەشکردووە، "هێزە ئەمنییەکان بە ئەرکی نیشتمانیی خۆیان هەڵدەستن بە شوێنکەوتنی دەستدرێژیکاران و بردنیان بۆ بەردەم دادگا، وەک ئەوەی لە چەند ساڵی ڕابردوودا دژی تیرۆر کردیان و سەرکەوتن."

 

ڕاگەیەنراوی ئەنجومەنەکە ئاماژەی بەوەشکردووە کە "دەزگا ئەمنییەکان بە چڕی کار دەکەن بۆ ئاشکراکردنی لایەنە تێوەگلاو لەو کردە تیرۆرستییە و دەستگیرکردنی بکەرانی و بردنیان بۆ دادگا."

 

دەشڵێت، "ئەوەی گومانی وابێت دەستی هێزەکانمان نایگاتێ، ئەوە وڕێنە دەکات، هیچ شتێک لە یاسا گەورەتر نییە، هیچ لە عێراق گەورەتر نییە."