گه‌ڕان

Shadow Shadow
سیاسه‌تی

زانیاریی زیاتر

وادەی کۆتاییهاتنی ڕەشەبا ڕاگەیەنرا

2021.11.06 - 23:50
App store icon Play store icon Play store icon
وادەی کۆتاییهاتنی ڕەشەبا ڕاگەیەنرا

ناس کورد- 

بەگوێرەی سەرچاوە کەشناسییەکان، سبەینێ پلەی گەرمی پلەیەک زیاتر نزمدەبێتەوە و کاریگەری ڕەشەبا-ش تاوەکو دووشەممە بەردەوام دەبێت و لە سێشەممەدا کۆتایی دێت. 

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا ئاراس جەبار، شارەزای کەشناسی ڕایگەیاند، "سبەی یەکشەمە 7ی تشرینی دووەمی 2021) لە ئەنجامی بەردەوامی کاریگەری بەرزەپاڵەپەستۆ ئاسمانی ھەرێم ساماڵێکی ڕوون دەبێت، پلەکانی گەرما لەھەندێ ناوچە بەڕاورد بە ئەمڕۆ بەرێژەی یەک پلەی سیلیزی دیکە نزمدەبنەوە و بەرزترین پلەکانی گەرما بەم شێوەیە دەبێت لەسەنتەری پارێزگاکانی ھەرێم ( سلێمانی ٢١ پلە ، ھەولێر ٢٤ پلە ، دھۆک ٢٤ پلە ، ھەڵەبجە ٢٢ پلە ، کەرکوک ٢٥ پلە ) لەناوچەکانی گەرمیان لە نێوان ٢٧ بۆ ٢٨ پلە ئەبێت لە سنوری ئیدارەی راپەرین لەنێوان ٢١ بۆ ٢٢ پلە دەبێت." 

 

ئاماژەی بەوەشکردووە، "خێرایی با لە ئاراستەی باکوری رۆژھەڵاتەوە چالاکی بەردەوام دەبێت بەخێرایی ١٠-٢٠کم/س لە ناوچەکانی سنوری سلێمانی و ئیدارەی راپەرین خێرایی با زیاتر دەبێت لەنێوان ٢٥ تا ھەندێک کات بۆ زیاتر لە ٣٥کم لە کاتژمێرێکدا بەتایبەت لەکاتەکانی بەرەبەیان و شەودا." 

 

ئەوەشی خستووەتەڕوو، " کاریگەری خێرای با تا دووسبەی دووشەمە بە چالاکی دەمێنێتەوە و لە ھەمان رۆژدا کاریگەری کەمتر دەبێتەوە و لە بەرەبەیانی رۆژی سێشەمە 9ی تشرینی دووەم کاریگەری تەنھا لەناوچە شاخاوی و سنوریەکاندا دەمێنێتەوە."