گه‌ڕان

Shadow Shadow
سیاسه‌تی

زانیاریی زیاتر

هادی عامری: بە توندی ئیدانەی سەركوتكردنی خۆپیشاندەران دەكەین

2021.11.05 - 19:14
App store icon Play store icon Play store icon
هادی عامری: بە توندی ئیدانەی سەركوتكردنی خۆپیشاندەران دەكەین

ناس کورد-

هادی عامری سەرۆکى هاوپەیمانی فەتح ڕایگەیاند، بە توندترین شێوە ئیدانەی ئەو سەركوتكردنە ترسناكە دەكەین كە لەلایەن حكومەتەوە بەرامبەر بە خۆپیشاندەرەرانی مەدەنی دەكرێت، "ئەو خۆپیشاندەرانەی ناڕازین لە دزینی دەنگەكانیان."

کەناڵی ناس کورد لە تێلیگرام جۆین بکە   

 

ئەمڕۆ لایەنگرانی سەر بە چوارچێوەی هەماهەنگی شیعەکان دژی ئەنجامی هەڵبژاردنەکان لە ناوچەی سەوی بەغدا خۆپیشاندانیان ئەنجام دا و هێرشیان کردە سەر هێزە ئەمنییەکان و ویستیان بچنە ناو ناوچەی سەوز، بەهۆی تەقەی هێزە ئەمنییەکانیشەوە خۆپیشاندەرێک کوژرا و نزیکەى 100ی دیکەش بریندار بوو.

 


هادی عامری لە ڕاگەیەنراوێکدا (5ی تشرینی دووەمی 2021) وتی، "داوا لە دەسەڵاتی دادوەری دەكەین بێنە سەرخەت و فەرمان دەربكەن بە وەستاندنی تەقەكردن لە خۆپیشاندەران، داوا لە خۆپیشاندەرانيش دەكەین دان بەخۆیاندا بگرن."

 

هاوکات موقتەدا سەدری ڕێبەری ڕەوتی سەدر ڕایگەیاند، ناکرێت خۆپیشاندانی ئاشتیانە لەپێناو تانەی هەڵبژاردن بگۆڕێت بۆ خۆپیشاندانی توندوتیژی و بچوککردنەوەى دەوڵەت.